A Catedral de Mondoñedo énchese para recibir a Vox Luminis na apertura do Bal y Gay

A Mariña, 6 de agosto, 2026. O Festival Bal y Gay levantou este mércores día 5 de agosto o pano da súa 13ª edición coa actuación de Vox Luminis na Catedral de Mondoñedo ante un público entregado que encheu por completo un dos espazos patrimoniais máis emblemáticos de Galicia. A presenza do conxunto belga, dirixido polo seu fundador Lionel Meunier, sitúa desde o primeiro día o listón artístico dunha edición que se presenta como a máis internacional da historia do festival. ‘Falla Imaginado’, de Moisés P. Sánchez, tomará o relevo este xoves día 6 de agosto en Alfoz no segundo dos 14 concertos programados ata o próximo día 21. Vox Luminis, referencia mundial da interpretación historicista, protagonizou así o primeiro dos 14 concertos que percorrerán A Mariña e Lugo ata o próximo día 21 de agosto.

A formación, fundada en 2004, construíu unha traxectoria internacional excepcional arredor da música inglesa, italiana e alemá dos séculos XVI a comezos do XVIII, cunha identidade sonora recoñecible e unha extraordinaria experiencia interpretativa no repertorio barroco. A súa traxectoria discográfica e os seus dous premios Gramophone, ademais doutros recoñecementos internacionais, avalan unha carreira que a levou a escenarios como o Wigmore Hall de Londres, a Elbphilharmonie de Hamburgo ou o Lincoln Center de Nova York, así como a festivais de referencia como Oude Muziek Utrecht, Bachfest Leipzig ou Salzburger Festspiele.

UNHA ACTUACIÓN QUE REIVINDICA A EXCELENCIA DO GRUPO VOCAL BELGA

A súa actuación confirmou as cualidades que converteron Vox Luminis nunha formación de referencia: unha extraordinaria precisión no conxunto, equilibrio entre as distintas voces, claridade das liñas polifónicas, beleza tímbrica e unha especial atención á palabra e á expresión. A crítica adoita enxalzar en Vox Luminis a conxunción milimétrica, a calidade e naturalidade das súas voces, a transparencia da emisión, o rigor das súas lecturas e a dirección de Lionel Meunier, caracterizada pola naturalidade, a coherencia e unha expresividade ao servizo do texto.

Todas esas virtudes atoparon ademais un marco excepcional na Catedral de Mondoñedo. O público respondeu con entusiasmo a unha proposta que converteu a catedral nun verdadeiro espazo de escoita e experiencia musical. Declarada Ben de Interese Cultural e Monumento Nacional, a Catedral Basílica da Asunción constitúe un dos grandes tesouros patrimoniais da comarca: un templo iniciado no século XIII sobre unha base románica, transformado ao longo dos séculos con elementos góticos e barrocos e que conserva, entre outros elementos, pinturas murais, órganos, un retablo rococó, claustro e museo catedralicio.

A elección deste escenario para inaugurar o festival representa, ademais, de maneira especialmente clara, a filosofía do Festival Bal y Gay: achegar propostas artísticas de máximo nivel internacional a espazos patrimoniais cunha personalidade propia e facer que a música permita descubrir tamén o territorio. Esa combinación entre excelencia artística, patrimonio e contorno constitúe unha das sinais de identidade dun proxecto que medrou de maneira constante desde os seus comezos.

“ESTA APERTURA RESUME O QUE QUEREMOS QUE SEA NUESTRO FESTIVAL”

“Abrir esta 13ª edición con Vox Luminis es todo un privilegio. Que una formación de esta dimensión internacional inaugure nuestra edición más internacional y lo haga además en la Catedral de Mondoñedo resume perfectamente lo que queremos que sea el Festival Bal y Gay: excelencia artística, patrimonio y territorio unidos en una misma experiencia”, sinala Alba Rodríguez, directora do festival. “Hoy hemos vivido precisamente eso: una Catedral llena, un público emocionado y una formación extraordinaria que demuestra que los grandes nombres de la música clásica pueden encontrarse con nuestros espacios y con nuestro territorio de una manera única”, engade.