Burela, 6 de agosto, 2026. Comeza a pretempada para o conxunto dirixido polo Mariskal na tempada 26/27. A plantilla queda pechada tras confirmarse as cinco renovacións de Pitero, Izan, Raid, Alán e Nico, así como as sete fichaxes de João Víctor, Adrià Blat, Pablo Moreno, Adri Mora, Gustavo Barbosa, Facundo, Fran Ortuño e Enzo Báez. A eles se unirán os xuvenís Walter, Felipe e Xosé, que realizarán a pretempada co primeiro equipo e continuarán adestrando ao longo do curso en función das necesidades deportivas e da súa dispoñibilidade académica.
O conxunto burelense iniciará a actividade o día 10 cun primeiro adestramento ás 18:00 horas, seguido dunha presentación no pavillón Vista Alegre ás 20:00 horas, tras os tests físicos programados para o venres 7 e o domingo 9. Antes do inicio da liga, o equipo disputará sete partidos amigables durante agosto e setembro: o día 15 ás 12:00 horas ante a SD Xove FS no Municipal de Xove; o día 22 fronte ao Noia B en Betanzos; e o día 29 ante O Parrulo na Malata.
A estrea en Vista Alegre será o 2 de setembro ante o Ribeira FS, continuando o día 5 fronte ao Tierno Galván Valladolid, o día 9 ante o Leis Pontevedra FS en Bertamiráns e pechando a pretempada novamente contra o Ribeira FS no Municipal de Lugo o día 12.
A liga na Segunda División Masculina de Fútbol Sala 26/27 comezará o sábado 19 de setembro coa primeira xornada, da que aínda non se coñecen os enfrontamentos.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.