A operación policial saldouse coa detención dos sete integrantes da banda e con tres rexistros domiciliarios nas localidades de Burela, Cervo e Lourenzá
A Mariña, 21 de agosto, 2026. A Garda Civil, no marco da operación Zoco A7, desarticulou unha organización criminal asentada na Mariña lucense, con base de operacións en Burela, dedicada presuntamente á distribución de cocaína e haxix en distintos puntos das provincias de Lugo e Asturias.
A investigación, iniciada a comezos de ano, permitiu identificar os membros do grupo, determinar as funcións que desempeñaba cada un e establecer as súas vías de abastecemento e distribución de substancias estupefacientes.
Durante a fase de explotación da operación, os axentes lograron interceptar e frustrar unha nova partida de cocaína que, presuntamente, tiña como destino as localidades de Burela e Foz coincidindo co período estival.
O operativo culminou coa detención de sete persoas, veciñas das provincias de Lugo e Asturias, con idades entre os 27 e os 45 anos, así como coa práctica de tres entradas e rexistros en inmobles vinculados á organización.
A investigación tamén puxo de manifesto novas dinámicas utilizadas por grupos dedicados ao tráfico de drogas, entre elas os chamados vuelcos: roubos entre organizacións rivais durante os intercambios de droga por diñeiro, aproveitando o momento da transacción para apoderarse da substancia, do diñeiro ou de ambos sen completar o acordo.
Como resultado da operación, interviñéronse catro quilogramos de cocaína, 6.000 euros en efectivo, catro vehículos e unha arma de fogo. A valoración económica final dos efectos incautados está pendente.
A operación foi dirixida polo equipo territorial de Policía Xudicial de Burela, e as dilixencias —xunto coas persoas detidas e os efectos intervidos— foron remitidas ao Xulgado de Instrución número 2 de Mondoñedo, que decretou o ingreso en prisión para seis dos detidos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
