Ribadeo, 25 de agosto, 2026. O BNG de Ribadeo denuncia o estado no que se atopa o pavillón municipal da rúa Alfredo Deaño, onde as intensas goteiras e a entrada de auga impediron este luns o normal desenvolvemento do campus de hóckey. A concelleira Raquel Ferreira cualificou a situación de “desastre” e lembrou que todo isto ocorre despois dun investimento recente de 190.000 euros destinado ao arranxo e mantemento da instalación.
Ferreira explicou que o problema non é novo e que xa a principios de xullo advertiran de que os traballos realizados na cuberta non solucionaran os problemas estruturais do pavillón. “A única resposta do goberno do PP foi o silencio. Hoxe vemos, da peor maneira posíbel, que tiñamos razón: diñeiro público mal empregado e o pavillón sen arranxar, prexudicando directamente ás persoas usuarias”, afirmou.
A concelleira criticou tamén a actitude do alcalde, Daniel Vega, ao longo dos últimos meses. “Non perdeu ocasión para facer burla da situación, repetindo que no pavillón facían falta máis caldeiros ca en todo Ribadeo. Mentres se presentaba como o salvador da infraestrutura, a realidade demostra o contrario: tras gastar case 190.000 euros, as goteiras continúan e a auga segue a filtrarse cando chove”, sinalou. Engadiu que “un goberno responsable debe supervisar as obras, esixir rigor e comprobar que o investimento serve para algo antes de dar a actuación por finalizada”.
Ante esta situación, o grupo municipal esixe explicacións inmediatas ao equipo de goberno, así como medidas urxentes para solucionar de maneira definitiva as filtracións e revisar os traballos executados, garantindo a seguridade e o correcto uso da instalación por parte de todas as persoas usuarias.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
