Burela, 26 de agosto, 2026. A SD Burela celebrará este venres 28 de agosto a presentación oficial da tempada 2026/27, unha campaña especialmente significativa para a entidade verdibranca, que conmemora 60 anos de historia desde a súa fundación en 1966.
O campo da Marosa será o escenario dunha xornada pensada para presentar o novo proxecto deportivo e, ao mesmo tempo, reunir arredor do club a xogadores, familias, socios, afeccionados e veciñanza.
O acto central será a presentación do equipo para a nova tempada, seguida dun encontro amigable entre a SD Burela e o Andes CF, previsto para as 20:00 horas.
A xornada completarase cunha paellada de costela, panceta e polo, para a que xa se poden adquirir tickets anticipados —cun prezo de 12 euros— nos establecementos L’Urban e Vista Alegre de Burela.
Esta presentación marcará o inicio dunha tempada moi especial para a SD Burela. Baixo o lema “60 anos de historia. Unha nova tempada por escribir”, o club quere poñer en valor seis décadas de fútbol, xeracións de xogadores e afeccionados e a estreita relación da entidade coa vila.
Desde aquel primeiro equipo de 1966 ata os xogadores que hoxe visten de verde, a SD Burela mantén unha identidade que foi pasando de xeración en xeración e que será un dos eixos das actividades do 60 aniversario ao longo da tempada.
A entidade anima a toda a veciñanza, socios, antigos xogadores, integrantes da base e afeccionados a achegarse este venres á Marosa e formar parte dunha xornada que pretende unir pasado, presente e futuro do club.
“Porque hai días que non son só fútbol. Son club, historia e familia”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
