Ribadeo, 26 de agosto de 2026. Ribadeo investirá 30.000 euros nun novo arranxo no pavillón da Rúa Alfredo Deaño. O equipo de goberno asegura que non hai goteiras na pista e rexeita as críticas realizadas polo BNG.
O concelleiro de Deportes, Francisco José Silvent, explicou que “a única zona na que hai goteiras no pavillón de Alfredo Deaño é no hall da entrada e no corredor cara os baños, que foi a única zona na que non se actuou. Agora mesmo xa contamos co orzamento para acometer dita obra, que vai roldar os 30.000 euros. Gustaríanos que o BNG, antes de tentar enganar á xente con acusacións incertas, se informe. Desde a Concellería de Deportes estamos encantados de facilitarlles todos os datos que precisen sobre a realidade actual dos traballos feitos e dos pendentes”.
O edil ribadense dixo que “a última incidencia ten que ver cun problema nas baixantes, que si se tivera arranxado no seu momento non tería ocasionado esta problemática. Temos que insistir, tal e como saben todos os usuarios desta instalación deportiva, que na pista non hai goteira algunha, xa que a empresa que realizou as obras de mellora do pavillón arranxou todos os problemas que puideran ter aparecido, algo que non vimos que se fixera noutras obras que o BNG levou adiante na súa etapa de goberno, como puido ser a pista de skate, onde fomos nós os que tivemos que pedir que se amañasen todos os problemas detectados”.
E engadiu: “se non tivésemos que arranxar todos os problemas detectados nas instalacións deportivas de Ribadeo, debido á máxima deixadez e despreocupación por parte do BNG, agora estariamos en novos proxectos e obras, pero vémonos na obriga de actualizar e arranxar todo o que deixou pendente o anterior equipo de goberno. Todo presentaba un estado lamentable. Aínda así seguimos mellorando instalacións como o pavillón de Cubelas, o campo de fútbol e continuamos día a día co mantemento de todas as instalacións deportivas”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
