Cervo, 10 de setembro, 2026. O Concello de Cervo contará, a partir deste curso, cunha Escola de Música propia. Trátase de DoReFaMiFaneca Escola de Música, un proxecto impulsado pola recentemente creada asociación DoReFaMiFaneca, que nace coa vontade de achegar a formación musical á veciñanza e ofrecer un espazo no que aprender, crear e gozar da música.
A escola instalarase no edificio municipal que anteriormente ocupaba o FOREM, situado fronte á Casa do Concello. O inmoble foi cedido polo Concello de Cervo para facilitar a posta en marcha deste novo recurso educativo e cultural.
Na presentación da iniciativa participaron a alcaldesa, Dolores García Caramés, e Chus e Xacobe, impulsores da asociación e da escola. Chus é profesora de canto e Xacobe está especializado en instrumentos de corda. Ambos decidiron unir experiencia, coñecementos e ilusión para dar vida a este proxecto, que conta co apoio do Concello.
A creación de DoReFaMiFaneca supón cubrir unha carencia histórica no municipio, que ata o de agora non dispoñía dunha escola de música propia. Grazas a esta iniciativa, a veciñanza poderá acceder a formación musical sen necesidade de desprazarse a outros concellos.
Unha escola para todas as idades
A Escola de Música DoReFaMiFaneca está dirixida tanto a nenos e nenas como a persoas adultas. Ofrecerá clases personalizadas, adaptadas ás diferentes idades e niveis, desde persoas principiantes ata alumnado avanzado. A metodoloxía aposta por unha aprendizaxe acompañada por profesorado experto e, sobre todo, por aprender gozando da música.
Entre os seus obxectivos está espertar o artista que cada persoa leva dentro e crear un espazo onde a música sexa sinónimo de ilusión, creatividade e diversión.
Declaracións da alcaldesa
A alcaldesa de Cervo puxo en valor a creación desta nova escola e destacou o interese que supón para o municipio: “Estamos moi satisfeitos de que Cervo conte por fin cunha escola de música propia. Era unha necesidade que existía e consideramos que esta iniciativa é unha magnífica oportunidade para achegar a formación musical á nosa veciñanza, especialmente aos máis pequenos, pero tamén ás persoas adultas que queiran iniciarse ou continuar a súa formación”.
Tamén felicitou a Chus e Xacobe pola iniciativa: “Queremos agradecer a Chus e Xacobe a súa iniciativa e a ilusión coa que están a poñer en marcha DoReMiFaneca. Son eles os que deron o paso de constituír esta asociación e impulsar a escola, e desde o Concello entendemos que debemos apoiar proxectos que nacen da propia veciñanza e que contribúen a enriquecer a oferta cultural e educativa do municipio”.
A rexedora destacou ademais a importancia de dar novos usos aos espazos municipais: “É moi positivo poder poñer este edificio municipal ao servizo dun proxecto educativo e cultural. Queremos que os espazos dos que dispón o Concello teñan vida e sexan útiles para a cidadanía, e esta escola é un moi bo exemplo de colaboración entre a iniciativa dunha asociación e a Administración local”.
Un novo recurso cultural para Cervo
A chegada da escola abre unha nova vía para a formación e a dinamización cultural no municipio: “A música ten unha enorme capacidade para educar, para fomentar a creatividade e tamén para crear comunidade. Que os nenos e nenas de Cervo poidan aprender música no seu propio concello, pero que tamén poidan facelo persoas de calquera idade, é unha moi boa nova”.
A alcaldesa anima á veciñanza a coñecer o proxecto: “Animamos a todas as persoas interesadas a achegarse, coñecer o proxecto e resolver as súas dúbidas. Estamos convencidos de que DoReFaMiFaneca pode ter un percorrido moi bonito en Cervo e esperamos que sexa o comezo dunha escola que medre coa participación da nosa veciñanza”.
📍 Información presencial
As persoas interesadas poderán solicitar información nos seguintes puntos:
Casa da Cultura de San Cibrao
Luns 14 e 21 de setembro
De 17:00 a 19:00 h
Casa do Concello de Cervo
Martes 15 e 22 de setembro
De 17:00 a 19:00 h
📞 Contacto
Chus: 608 841 347
Xacobe: 646 711 761
Instagram: @dorefamifaneca
Correo: dorefamifaneca@gmail.com
A asociación agradece o interese da veciñanza e anima a todas as persoas a contactar para coñecer en detalle a oferta formativa e o funcionamento da nova Escola de Música DoReFaMiFaneca.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
