Os representantes populares lamentan que, máis de dous anos e medio e tres veráns despois, Cangas siga sen unha solución definitiva e o Goberno continúe sen concretar unha data para o inicio das obras
Foz, 17 de setembro de 2026. O PP lamenta a “falta de coordinación” entre Costas do Estado e o alcalde de Foz de cara á reconstrución do paseo marítimo de Cangas derrubado pola acción do mar en febreiro do 2024 que deriva en “atrasos inxustificables” que xeran malestar entre os veciños e veciñas.
O tramo afectado permanece pechado e perimetrado dende fai máis de dous anos e medio “sen que chegue a solución definitiva” para un espazo de importante uso veciñal e turístico, especialmente na época estival. “Pasaron xa tres veráns e o Ministerio para a Transición Ecolóxica e o Reto Demográfico segue sen resolver o problema”, lamentan os populares.
É máis, o Goberno de España continua sen concretar cando prevé executar as actuacións proxectadas. En resposta ás preguntas formuladas polos senadores do PP lucense José Manuel Balseiro, José Manuel Barreiro e Juan Serrano; sinala que “non se pode determinar unha data concreta de inicio das obras, pois depende da dispoñibilidade dos terreos” de titularidade privada que sería necesario ocupar segundo o estudo realizado polo Servizo Provincial de Costas.
Para os populares, esta resposta evidencia a falta de coordinación entre ambas administracións, xa que o propio Goberno vincula o inicio das obras á expropiación dos terreos e responsabiliza ao Concello de Foz.
O portavoz municipal do PP, Javier Castiñeira, condena “o pouco peso político do alcalde de Foz” ante un Goberno do seu mesmo partido e cuestiona que “acepte que sexan os veciños de Foz, a través dos fondos municipais, os que teñan que asumir o custo das expropiacións necesarias para executar unhas obras que son competencia do Goberno de España”.
Castiñeira considera “inxustificable que o Goberno de Sánchez pretenda desentenderse desta responsabilidade e cargue sobre o Concello a adquisición dos terreos necesarios para executar unha actuación de interese xeral que transcende o ámbito exclusivamente municipal.
SEGUNDA ROTONDA DE CANGAS
Castiñeira lembra que “a situación se repite coa segunda rotonda de Cangas na intersección da N-642 coa estrada autonómica que comunica con Ferreira do Valadouro: están pendentes de executar as obras por parte do Estado á espera das expropiacións por parte do Concello”. De novo, “o Goberno de Sánchez esixe aos veciños e veciñas de Foz que paguen por uns terreos para unhas obras de interese xeral, non só para o municipio”, lamenta.
Por iso, o PP reclama “coordinación, axilidade e unha solución inmediata” para desbloquear ambas actuacións e evitar que continúen acumulándose atrasos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
