Ribadeo, 8 de outubro de 2026. Ribadeo acollerá o 16 de outubro o I Encontro Forestal do Noroeste no que diferentes expertos analizarán o presente e o futuro do sector.
O alcalde, Dani Vega, contou que “Ribadeo vai acoller o primeiro Encontro Forestal do Noroeste. Queremos analizar un sector que está causando un impacto positivo no territorio, en toda a comunidade galega, tamén analizar o sector en Ribadeo e contamos coas dúas administracións, tanto o Principado de Asturias como a Xunta de Galicia, e tamén distintas entidades como Lugo Madera, Ence e o Concello de Ribadeo, que é o que acolle e recibe este foro”.
O rexedor tivo palabras de agradecemento para o Centro Pedro Murias: “por seguir avanzando na análise, na investigación e nos retos nos que todos debemos traballar para que o sector forestal siga medrando. Hai que lembrar que en Pedro Murias tamén hai un ciclo de formación profesional do sector forestal. Neste encontro haberá mesas onde se analizará a riqueza, o emprego, toda a xestión do territorio, o impacto que está causando o sector forestal, un impacto moi positivo. E tamén vamos analizar a estratexia que debemos seguir e as medidas desde un punto de vista medioambiental”.
Vega subliñou que “será unha análise fundamental para seguir traballando nun sector que está creando emprego, tamén o Concello de Ribadeo que está xestionando o sector forestal en todo o territorio con ese Plan Avanza Rural no que estamos a traballar en colaboración coa Xunta de Galicia para limpar todas as pistas. E recordábamos estes días que pistas de 2 metros pasan ata 8 metros de ancho que serven de corta lumes e tamén para xestionar a saca de madeira. É moi importante toda a limpeza, a maior limpeza que se está facendo no Concello de Ribadeo tanto nas franxas de protección como en todas as pistas forestais. Ese incremento de practicamente 30.000 euros de xestión por parte da Xunta de Galicia para seguir traballando na limpeza do sector e na limpeza do monte eu creo que é algo importante e algo que está liderando o Concello de Ribadeo”.
Para o alcalde ribadense “este encontro vai servir para analizar e sen lugar a dúbidas para avanzar”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
