Francisco Conde incidiu na “clara reivindicación” da Xunta de Galicia para que Lugo teña acceso a redes eléctricas: “Agardamos que haxa unha rectificación para que Lugo poda ter na planificación eléctrica ese protagonismo que agora non ten”
Lugo, 9 de outubro de 2026. O PP lucense e os representantes do sector empresarial coinciden na necesidade de “adoptar medidas para favorecer unha maior competitividade do tecido produtivo” vinculadas ao eido enerxético, da fiscalidade, da innovación e do talento.
Así o trasladou despois de participar xunto a Jaime De Olano, Antonio Ameijide e Cristina Abades nunha reunión de traballo con membros do Consello de Administración e do Consello Asesor da Confederación de Empresarios de Lugo (CEL) coa que dan continuidade aos encontros cos distintos actores económicos e sociais da provincia. Neste caso, puideron intercambiar opinións sobre a situación, dende o punto de vista económico, que está a atravesar a provincia e, sobre todo, sobre os retos de cara ao futuro.
Conde incidiu na necesidade de que “Lugo, dende o punto de vista eléctrico, poda ter acceso a redes”. Nese sentido, lembrou a “clara reivindicación da Xunta de Galicia para que o Goberno de España poda permitir que Lugo estea dentro da planificación eléctrica. Ben para o tecido industrial que xa está instalado e queira medrar ou ben para captar novos investimentos. Agardamos que haxa unha rectificación para que Lugo poda ter na planificación eléctrica ese protagonismo que agora non ten”, subliñou.
O popular explicou que “durante a reunión tamén se abordaron distintas medidas para favorecer a competitividade a través da fiscalidade -que afecta tanto ás propias empresas coma as familias que sofren unha importante perda de poder adquisitivo- e da innovación que podan permitir que Lugo poda seguir medrando”.
Tamén foron obxecto de debate outras situacións ás que se enfrontan no día a día as pequenas e medianas empresas, que son as que están máis achegadas ao terreo, coma o absentismo laboral ou a formación para o emprego.
Conde tamén sinalou a conectividade como elemento fundamental para favorecer a competitividade da provincia. “Lugo precisa desa conectividade para ser competitivo e para facilitar o movemento dos cidadáns”. Nese sentido, fixo referencia ás infraestruturas e servizos ferroviarias: “Lugo necesita estar conectada por alta velocidade, o que suporía un salto cualitativo dende o punto de vista da competitividade e de oportunidades vinculadas ao turismo, e tamén recuperar as frecuencias e conexións”. E dende o punto de vista das autovías e estradas: “precisamos que haxa unha finalización das diferentes conexións para conectar Lugo con Santiago e Lugo con Ourense ou a autovía da Mariña para favorecer a conectividade das familias e tamén das empresas”.
Os populares lembraron tamén que, dende o eido local, o goberno local tamén está implementando medidas como bonificacións fiscais vinculadas á creación de emprego indefinido para empresas que se instalen ou amplíen instalacións en Lugo.
REPRESENTACIÓN SECTORIAL
Os populares agradeceron a acollida e o diálogo no marco dunha reunión de traballo na que participaron representantes do Consello de Administración e do Consello Asesor da CEL.
Entre os asistentes atopábanse Eduardo Valín, conselleiro delegado da CEL; Jaime López, secretario xeral CEL e presidente da Cámara de Comercio de Lugo; Carmen Lence, presidenta do Grupo Lence; Luis García Santalla, presidente da Fundación CEL; Jesús Méndez, director xeral de Caixa Rural Galega; Cheché Real, presidente da APEHL; José Eduardo Fernández, presidente APIEL; e José Ángel Penas, CEO de Grupo Norbel.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
