Nota de prensa:
A costa lucense e a Ribeira Sacra protagonizan esta semana as rutas do Km0.Deputación de Lugo
A Deputada de Economía recibiu este martes ós primeiros participantes
dos case 300 en total que esta semana redescubrirán a provincia
Preto de 300 persoas participarán no programa Km0.Deputación de Lugo ó longo desta semana que ten como destinos protagonistas a costa lucense e a Ribeira Sacra. Precisamente, a Deputada de Economía, Regina Polín, recibiu este martes no pazo de San Marcos os primeiros participantes. Trátanse de 55 membros da Asociación de Mulleres Rurais “O Chao” da Ribeira de Piquín, e de 44 do colectivo de xubilados de Pantón. No primeiro caso, visitaron o Centro de Interpretación Terras do Miño, para desprazarse seguidamente a San Cibrao e coñecer a vila, o castelo e o faro. Para rematar, percorreron Portocelo e Punta Roncadoira, xa no veciño Concello de Xove. En canto ó grupo de xubilados de Pantón, tras ser recibidos na Deputación, visitaron o Mazo de Santa Comba, ademais do Castro de Couso, o Palacio de Quindós e o Castelo de Doiras, en Cervantes.
Para este mércores está prevista unha ruta pola zona de Amandi, na Ribeira Sacra, elixida polo Centro de Convivencia de A Milagrosa, da capital lucense. Así, 48 persoas, tras unha visita ó Mazo de Santa Comba, farán unha ruta hasta o Mirador de Pena do Castelo, para navegar logo en catamarán polo río Sil e gozar dunha degustación na bodega Regina Viarum. Mentres, 24 veciños de Ribas de Sil redescubrirán a Ría de Ribadeo. A viaxe comezará cunha visita á Fundación TIC para continuar xa no Concello mariñano cunha travesía polo estuario. Poderán subir no ascensor panorámico instalado no peirao deportivo de Porcillán e, finalmente, visitarán o convento das Clarisas e percorrerán o casco histórico.
As rutas de “O Pombeiro” e “As Catedrais” foron, respectivamente, as elexidas polo colectivo de Amas de Casa e Consumidores “Lucus” e pola Asociación de San Salvador de Asma, de Chantada para facer o xoves. Deste xeito, un grupo de 48 membros do colectivo lucense visitará o Centro de Interpretación Terras do Miño e, xa en Pantón, achegarase á adega Moreiras, ós núcleos de Atán e Pesqueiras, á iglesia de Pombeiro e, para rematar, ós Peares. No caso da asociación chantadina, outro grupo de 48 persoas coñecerá o Centro de Artesanía e Deseño (CENTRAD) para viaxar seguidamente a Ribadeo, e visitar as praias das Catedrais e As Illas, a cetárea de Rinlo e no aeródromo de Vilaframil.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
