Nota de prensa:
JOSÉ VENANCIO: ‘O INVESTIMENTO DOS CLUBS DEBE RESIDIR NA FORMACIÓN’
Coincidindo co I Encontro do Deporte Base na Mariña, o CD Burela FS distinguiu o seleccionador nacional, José Venancio, co seu galardón máis prezado. O presidente da entidade, José Ramón González Casas, fíxolle entrega da Insignia de Ouro e Brillantes, nun acto que tamén contou coa presenza da delegada territorial da Xunta de Galicia en Lugo, Raquel Arias; a vicepresidenta segunda da Deputación de Lugo, Lara Méndez; o responsable da Área de Deportes da Deputación, Antonio Veiga; a concelleira de Deportes de Burela, Neves Cando; e o deputado provincial e portavoz GMPP en Burela, José María González Barcia, entre outros.
“Nas categorías inferiores o obxectivo non é gañar, é formar xogadores para o primeiro equipo”. Así se posicionou o seleccionador nacional con respecto ao adestramento da base durante o seu relatorio na primeira edición do encontro mariñán. “O investimento dos clubs deber residir na formación; os bos resultados non teñen por que chegar antes de xuvenís” dixo José Venancio, que destacou, por riba de calquera aspecto, a importancia de potenciar as decisións dos xogadores dende a base para chegar a formar “deportistas intelixentes con capacidade de resolución ante a multitude de situacións diferentes que xorden en cada partido”.
O técnico tamén incidiu na “paciencia e traballo” que se require na ensinanza en idades temperás: “Cada xogador ten a súa etapa e hai que deixalo madurar. Non serve de nada pasar a un xogador ao primeiro cadro se non vai ter minutos. Pódese recorrer a equipos ponte, noutras categorías, ata que o deportista estea preparado; así non se esgota o seu potencial antes de tempo”.
O modelo de canteira lobellista, no que traballou José Venancio, a necesidade impulsar a base no fútbol sala feminino e o prexuízo do novo regulamento sobre o espectáculo futbolístico foron algúns dos temas tratados no coloquio posterior entre José Venancio, o adestrador do UCAM de Murcia, Miguel Sánchez; e os técnicos burelistas, Javier Pardeiro e Suso Rey; co directivo Marcelino Luna como moderador e unha animada participación dos asistentes.
Unha xornada de luxo
Na repleta xornada de actividades do sábado, unha pequena representación do alumnado e profesorado da ED EON Burela FS, xuntos aos xogador@s Claudia, Alba e Juanma, tivo o privilexio de poñer en práctica os consellos do seleccionador con tarefas de percepción, decisión e execución, como os tres mecanismos activos na toma de decisións. O protagonismo vespertino trasladouse ás competicións ligueiras de Prata masculina e Honra feminina; como espectador de luxo, José Venancio puido imbuírse do ambiente festivo da bancada laranxa, cos encontros ante o UMA Antequera e o UCAM Murcia, ademais de ser nomeado Socio de Honra do club.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
