Resultados da xornada de tirada de bolos na parroquia de Monte en Xove

Nota de prensa:
INCIDENCIAS DA 12ª TIRADA

(CENTRO SOCIAL DE MONTE- Sábado, 22 XANEIRO 2011)

-Tarde friísima e desapacible.

-41 inscritos, 23 na Liga Senior, 8 na Sub 18 e 10 na Liga Feminina.

Liga Senior.- Segunda victoria consecutiva de Arturo Vigo coa cal permítese compartir do liderato con José Rafael González, ambos con 80 puntos. Ginés Rodríguez, líder ata hai unhas xornadas, e despois de dúas últimas tiradas horribles, pasa á terceira posición a 11 puntos dos líderes, vantaxe recuperable, pero sempre que mellore. Luis Rancaño ocupa a cuarta posición gracias aos 10 puntos obtidos en Monte, pasándolle a Moisés Rodríguez, quen non foi capaz siquer de puntuar.

Liga Sub 18.- Terceira victoria consecutiva de Salomé Cardoso, o que fai que lidere con comodidade, e os seus 49 puntos supóñenlle unha renda cómoda, con 9 puntos máis que Daniel López e 12 que Aitor Bouso, os dous únicos xogadores que lle poden facer sombra. A verdade que Salomé, irmá de Angel José Cardoso, campión Sub 18 das temporadas 2005-2006 e 2006-2007, vai polo camiño do seu irmán, e se sigue con este nivel de xogo non nos cabe a menor dúbida de que se pode proclamar campiona desta Liga, o cal sería un feito importante, xa que polo momento inda ningunha rapaza foi capaz de conseguilo. Véndoa xogar, entre outras moitas cousas boas que podemos decir de Salomé, salientamos que é tremendamente competitiva.

Liga Feminina.- Nesta Liga aprétase a cabeza, e así as tres primeiras están nunha diferencia só de 7 puntos, con Salomé Cardoso puxando por alcanzar a ese trio de cabeza. Dolores Baño con 46, Carmen Roca con 41 e Salomé Meitín con 39 comandan a clasificación cunha regularidade que as acompaña durante todo o campionato. Veremos si Salomé Cardoso, a líder Sub 18, é capaz nas 6 tiradas que quedan de sumarse a ese trio de cabeza.

A Vindeira tirada, e terceira da Segunda Volta, vai ter lugar na BOLERA DO CAMPO MUNICIPAL DE FÚTBOL DE XOVE O VINDEIRO SÁBADO, 29 DE XANEIRO DE 2011.