Nota de prensa:
O Panificadora plantou cara ao líder, Cios Vigo FS, no seu feudo
Unha xornada máis faltoulles definición ás xogadoras de Martínez, que a pesar do claro 4-0 a favor do CIOS Vigo FS ao final dos corenta minutos, foron a ribadenses as que dispuxeron das mellores ocasións e ata de traer un resultado positivo á Mariña. O primeiro partido da segunda volta que enfrontaba as mariñás e as locais disputouse no pavillón Castelao Calvario de Vigo, polo cambio solicitado polas pontevedresas na primeira volta.
Ao CIOS só lle quedaba o tiro exterior ante unha ordenada defensa visitante. Un balón desviado logo de golpear nunha xogadora local e un esvarón da visitante Toñi castigaron o Panificadora co 2-0, co que se chegaba ao final da primeira metade. Anteriormente, Fátima dispuxo dunha clara ocasión enviando o balón ao lateral da rede logo de driblar a porteira local e poucos minutos despois, xa co 2-0, Eva e de novo Fátima tampouco conseguiron finalizar con acerto outra contra ben levada do equipo ribadense.
Sufría o CIOS vendo como as visitantes se achegaban con perigo á portería de Rocío e só a poucos minutos do final puideron acougar os seus nervios ao verse favorecidas co 3-0, logo de golpear o esférico sobre unha local en xogada a balón parado. Eran os mellores momentos do Panificadora, nos cales novamente Fátima e posteriormente Marta, en dúas ocasións, dispuñan de sendas oportunidades de perforar a meta local. Conseguiron o cuarto gol as viguesas noutra desafortunada xogada que María introduciu en propia porta.
Próxima xornada. O Panificadora deberá puntuar o vindeiro sábado (16.30 horas) no municipal de Asteriz ante o Castrelo de Miño para ter opcións a evitar o descenso directo.
Ficha técnica
Panificadora del Eo-Ribadeo FS: Vanessa, Eva, Marta, María (pp) e Fátima, cinco inicial; tamén xogaron Toñi, Elvira, e Carla.
CIOS Vigo FS: Rocío, Raquel (1), Julia (1), María Jardón e Eva, no cinco inicial; tamén xogaron Sabela Maceda, Margarita (1), Luz, María Mayano, Sabela Valverde, Paula e Silvia.
Árbitros: Juan Manuel Méndez Vázquez e Verónica Vázquez Garrido (xuíz de mesa), da delegación de Vigo. Mostraron cartón amarelo a Marta, polo Panificadora.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
