Presentaron o plan estratéxico e a páxina web promocional que elaborou o Padroado de Turismo
Nota de prensa
RAQUEL ARIAS REIVINDICA O PADROADO DE TURISMO COMO UNHA FERRAMENTA AXEITADA PARA O INCREMENTO DA ACTIVIDADE DO SECTOR NA PROVINCIA
* A delegada territorial pediu a colaboración de todas as administracións neste ente para o desenvolvemento de proxectos de ámbito provincial
* O Padroado presentou hoxe o plan estratéxico e a nova páxina web que promocionará os atractivos da provincia
Lugo, 27 de xaneiro de 2011.- A delegada territorial da Xunta, Raquel Arias, instou a sumar esforzos en torno ao Padroado de Turismo de Lugo para impulsar o progreso do sector na provincia, e lembrou que a Xunta “a través da Sociedade de Imaxe e Promoción Turística de Galicia, Turgalicia, colabora neste proxecto dende a primeira proposta que recibimos”.
A delegada realizou estas declaracións no acto de presentación do plan estratéxico e a páxina web promocional que elaborou o Padroado de Turismo co financiamento da Xunta de Galicia, que achegou o 80% do investimento necesario, en concreto 35.400 euros.
Arias sinalou a necesidade de “buscar novos produtos turísticos” e afirmou que “o Padroado amósase como unha ferramenta axeitada para investigar, acordar e poñer en marcha entre todos unha oferta turística atractiva, global, diversificada e innovadora”. Por elo, insistiu na necesidade de contar coa colaboración de todas as administracións para, en torno ao Padroado, desenvolver proxectos de ámbito provincial.
A delegada sinalou que o plano estratéxico “resulta imprescindible para poder gabar o que estamos a facer ben e mellorar ou reorientar aquilo que non funciona” e a web é tanto ou máis indispensable “porque, como saben, hoxe en día o que non está na rede non existe”.
Ademais, considerou que “os investimentos que se fan nestas actuacións resultan socialmente rendibles dende o primeiro día”, e puxo como exemplo a seguir o traballo desenvolvido pola Xunta de Galicia durante o pasado ano Xacobeo, “que trouxo a Galicia máis de 9,2 millóns de visitantes e a Lugo, en concreto, case un 17% de viaxeiros máis que no ano 2009”.
Con todo, engadiu, “non nos podemos cruzar de brazos e esperar que isto siga medrando só, e menos na actual conxuntura económica”. Para elo, explicou, a Xunta está a acometer as actuacións previstas no Plan de Acción do Turismo de Galicia 2010-2013, que ten entre os seus obxectivos o de incrementar o peso do turismo no PIB galego.
A delegada sinalou a importancia da colaboración entre as administracións e o sector turístico galego, explicando que “ao igual que o plan estratéxico que hoxe presentamos nace do sector e recibe o apoio da Xunta, o Plan de Acción do Turismo de Galicia tamén conta co apoio do sector, sendo a primeira vez que se utiliza esta metodoloxía de participación colectiva por iniciativa da Secretaría Xeral de Turismo”.
A presentación do plan e da páxina web tivo lugar na Cámara de comercio, coa participación do seu presidente, Eduardo Núñez –que é así mesmo presidente executivo do Padroado-, e de Xulio Alvarez, alcalde de Quiroga e presidente do Padroado de Turismo
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
