NOTICIAS DENDE PARIS A SANTIAGO
Voltaba de Paris a onde fun tratar de vender os produtos que facemos aquí no noso obradoiro de Xunqueira e collín algún periódico de papel para que o voo se me fixese máis curto.
Noticias do norte de África, protestas en Tunez, onde ficou en bora o “Guapo presidente” que dicía o meu guía cando fun a ese país, manifas e incendios en Exipto e unha roda de prensa do presidente francés da que recorto un cachiño: O presidente francés está asustado. Afirma que “se non facemos nada, para impedir a subida dos prezos, corremos o risco de que estalen disturbios nos países máis pobres e de que teñan un impacto desfavorable no crecemento mundial”. Por iso avoga por un control de prezos a nivel mundial das materias primas.
Dende logo o presidente francés esta a ver as orellas o lobo feroz, non con moita antelación é certo, pois os berros do animal e o fume das súas carreiras está xa a verse por o sur do Mediterráneo.
O outro periódico en español dise Expansión: e titula “A administración local destinou en 2009, segundo o avance de Facenda, 17.300 millóns a pagar a os seus empregados e contratados, un 5% máis que o exercicio anterior”.
“De acordo aos datos solicitados, a raíz do último avance de liquidación orzamentaria de Facenda referido a 2009, o gasto por habitante dos postos de empregados do concello, poño por caso o meu, Viveiro, ascende a 430 euros ao ano…”
“Os municipios (en 2009) aumentaron os seus efectivos en 30.000 persoas, 82 contratos novos cada día, ata chegar ao máximo histórico de 677.000, segundo reflexa o Banco de España.
Desde a óptica de calquera fillo de veciño é fácil apuntar que o horizonte das eleccións municipais condicionou as actuacións dos concellos, que non se atreveron, nalgúns casos, a reducir determinados gastos de xeito evidente superfluos. O medo a coller a tesoira pode saírlles caro. A liquidación de 2009 mostra xa un desfasamento entre ingresos e gastos de 2.400 millóns. E iso tendo en conta que o ano estudado recibiron 8.000 millóns de euros do Fondo Estatal de Investimento Local.”
Pasaron case dous anos desde que o Concello de Palomares del Río, municipio sevillano de 6.000 habitantes, levou a dubidosa honra de ser o primeiro en suspender pagos. Desde entón, a saúde financeira dos consistorios estivo na diana e hai voces que apuntan a que o 80% poderían estar en quebra técnica, coido que nesta bisbarra coñezo a máis de un, que ademais, para mais inri, leva anos sen facer, nin aprobar uns presupostos. As causas? Pois como dicía a cancioncita a ritmo de muiñeira “A miña casa non quero que veñas, sempre me….. nunca me….. non sei si non sabes, non sei si non queres…..”
É a lei do trinquete. O único interese dos Gobernos é medrar, no amplo sentido da palabra, pero cando as cousas van mal, resúltalles imposible volver atrás.
Otero Regal
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
