Nota de prensa
O Goberno recoñece que dous tramos da A-8 carecen de proxecto de obras e que non hai data para o inicio das mesmas.
O BNG afirma que os tramos Mondoñedo-Lindín e Lindín-Candia
non estarán listos antes de 2016.
O Bloque Nacionalista Galego deu conta dunha resposta do Goberno do Estado a unha iniciativa da súa representación no Congreso dos Deputados onde solicitaba información sobre os prazos que manexaba o Ministerio de Fomento para poñer en funcionamento a Autovía do Cantábrico. Segundo se recolle nesta resposta de 12 de xaneiro de 2011 os responsábeis de Fomento anuncian que teñen previsto a entrada en funcionamento dos tramos Barreiros – Vilamar, Vilamar – Lourenzá ,na zona da Mariña, e dos tramos Carreira-Abadín e Touzas-Vilalba, na zona da Terra-Chá a principios de 2011. asemade segundo o Goberno do Estado ten previsto a entrada en funcionamento do tramo Lourenzá-Mondoñedo a finais de 2011 adiando para un remate sen data os tramos Mondoñedo – Lindín e Lindín – Carreira.
Segundo Xoán Estúa, Vice-responsábel comarcal do BNG “se ben non é este o momento de volver a lembrar os incumprimentos do Ministerio de Fomento que prometera que todos os tramos da A-8 estarían en funcionamento en 2007, non deixa de ser curioso, que os únicos tramos que se van abrir ao tráfico en 2011 correspóndense con aqueles que se sitúan nas zonas xeográficas onde a execución das obras é máis doada. Aínda así queremos reparar que o tramo de Lourenzá-Mondoñedo, cuxa apertura se anuncia para finais de 2011 non terá ningún tipo de utilidade para a circulación viaria posto que ate que non se abra o Mondoñedo – Lindín non se poderá utilizar”. O portavoz nacionalista ao tempo que “destacou que unha vez abertos os tramos que se anuncian para 2011 estará en funcionamento 71 KM da A-8 en Galiza a súa función que sería de articular parte da área norte da Mariña co resto do estado fica sen cumprir, e o que é máis grave, cando falamos dun vía que pretende substituír e agrupar parte do tráfico da N-634, estrada que nos seus tramos lucenses, como ben ten recoñecido de xeito reiterado o Goberno do estado, acumula a maior intensidade de puntos negros da rede viaria e estatal e que coa coartada da entrada en vigor A-8 carece dun mínimo de mantemento o que a converte a día de hoxe nunha vía impracticábel na case totalidade dos seus tramos. Ë necesario que o Goberno do estado acometa con urxencia obras de mellora e mantemento na N-634 posto que cada día que pasa vólvese máis perigosa”.
O Vice-Responsábel Comarcal do BNG deu conta tamén que na súa resposta “o Ministerio de Fomento adía sine die a entrada en funcionamento dos tramos da A-8 entre Mondoñedo – Lindín e Lindín – Candia, isto é 15,5KM de Autovía que se corresponde coas áreas de máis complexidade técnica, tramos que segundo o Goberno do Estado atópanse actualmente en fase de modificación de proxecto, sen que a día de hoxe se teña aprobado por parte do Ministerio o proxecto definitivo dos mesmos”. Neste sentido Estúa alertou que “ se a esta altura carecemos de proxecto para estes dous tramos, se a isto lle engadimos que son os dous tramos de máis dificultade técnica en termos de execución, se consideramos a maiores que se concitan aquí as actuacións que máis diñeiro requiren(case a metade de todos os tramos galegos) e se temos en conta que Fomento sempre falou dun mínimo de tres anos para concluír as obras dos mesmos e para poñerse a tremer, posto que estamos a falar no mellor dos casos do 2015. Semella á vista da contestación ministerial que aos mariñaos e mariñás aínda nos queda moito tempo de sufrir as curvas entre Mondoñedo e a Xesta “. O dirixente nacionalista recalcou que “o BNG vai volver a interpelar sobre o asunto ao Goberno, posto nos non damos por boa unha resposta que se limita a dicirnos que se está a modificar un proxecto de obra, pero que non nos fale, nin de datas de remate do proxecto, nin de datas de inicio das obras, nin tampouco do momento da súa finalización. Pero tamén queremos saber o que é un rumor a voces na Comarca e suxerido no seu momento polo Ministro Blanco se o Goberno ten pensado establecer nalgúns destes dous tramos unha peaxe, algo que desde ningún punto de vista sería tolerábel”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
