Nota de prensa:
O BURELA FS VISITA A DÉCIMO TERCEIRA PRAZA EN CEUTA
O Burela FS visitará mañá a décimo terceira praza de Prata en Ceuta, ante un rival ao que, polo momento, 2011 non lle está sentando nada ben. A partir das 18.00 horas, o Unión África Ceutí recibirá os laranxas no Guillermo Molina Ríos con ansias de puntos, despois dun duro comezo de ano, no que tan só conseguiu subir 1 punto á súa cuadrícula en catro encontros.
Dende a sexta praza, o cadro burelista non debe confiarse pola diferenza na táboa. Os ceutís, que veñen de reforzarse co peche segoviano Chamo, do Melilla FS, e co porteiro gaditano Juanlu, xa demostraron a súa garra en Vista Alegre conseguindo o empate (3-3) no último segundo.
Nesta carreira de fondo, os burelaos (38) precisan os tres puntos para consolidarse en postos de play off. Teñen que aproveitar o descanso do seu rival máis directo, ElPozo Ciudad de Murcia (38), na vixésimo cuarta xornada para subir á quinta praza e manter as distancias ante o premente asedio do Arcebansa Zamora (37), que viaxa a Lanzarote (noveno), e o BP Andorra (36), que recibe o Albacete 2010 (décimo sexto).
Próxima xornada. O cadro laranxa disputará a vixésimo quinta cita de Prata o martes 15 de febreiro, sen apenas descanso, ante o Restaurante Frontera Tobarra. Será en Vista Alegre, ás 21.00 horas.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
