Nota de prensa:
O DOG vén de publicar a adxudicación do proxecto, por preto de 5,3 millóns de euros
As obras do reforzo do firme na estrada que une o límite de provincia e Viveiro (LU-862) comezarán no vindeiro mes de marzo
*
As unidades de obra céntranse no estendido de mestura bituminosa en quente, drenaxe lonxitudinal e transversal, urbanización e colocación de sinalización
*
O departamento que dirixe Agustín Hernández, mediante a colaboración técnica e financeira neste tipo de obras, pretende dotar a comunidade galega dunha rede viaria que permita aos usuarios unha condución segura e eficaz
*
As actuacións de mellora, que terán un prazo de execución de 17 meses, beneficiarán a máis de 23.000 habitantes das poboacións de Mañón, Vicedo, Viveiro e Xove
Santiago, 24 de setembro de 2010.- O Diario Oficial de Galicia (DOG) vén de publicar a adxudicación das obras de reforzo do firme e mellora de interseccións na estrada que une o Límite de Provincia e a localidade de Viveiro (LU-862). A Consellería de Medio Ambiente, Territorio e Infraestruturas, a través da Sociedade Pública de Investimentos (SPI), investirá 5,3 millóns de euros neste proxecto, que comezará o vindeiro mes de marzo.
O presente proxecto ten por fin primordial a xustificación e definición das obras que deben facerse para a mellora da seguridade vial na citada estrada, concretamente no intervalo comprendido entre os puntos quilométricos (pq) 69+360 ao 89+580. Deste xeito, a lonxitude do tramo obxecto das actuacións é de máis de 20 quilómetros.
Cómpre sinalar que a vía mellora en varios treitos a súa sección transversal, xa que se disporán carrís centrais nalgunhas interseccións e habilitaranse lugares para facer cambios de sentido. As obras previstas neste proxecto non implican a realización de expropiacións, polo que todas as solucións que se fagan estarán incluídas dentro da actual franxa de Dominio Público. Por este motivo, nos treitos nos que fose preciso ampliar a calzada a sección tipo axustarase ás dimensións desta franxa.
As unidades principais de obra centraranse na demolición de firme e explanada e o estendido de mestura bituminosa en quente. Tamén se levará a cabo a drenaxe lonxitudinal e transversal, a urbanización e reposición de servizos públicos. Ademais, o proxecto contempla a colocación de sinalización e balizamento.
O departamento que dirixe Agustín Hernández, mediante a colaboración técnica e financeira neste tipo de obras, pretende dotar a comunidade galega dunha rede viaria que permita aos usuarios unha condución segura e eficaz.
As actuacións de mellora, que terán un prazo de execución de 17 meses beneficiarán a máis de 23.000 habitantes das poboacións de Mañón, Vicedo, Viveiro e Xove.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
