Nota de prensa
ANTONIO VEIGA PARTICIPOU NA PRESENTACIÓN DO PROXECTO DE REFORMA DO PAVILLÓN DE RIBADEO
A Área de Deporte financia con 2.500.000 euros estas obras, que dotarán a Ribadeo dunha instalación deportiva punteira, renovando por completo o pavillón antigo
IBADEO, 26 de febreiro de 2011. O delegado de Deporte da Deputación, o nacionalista Antonio Veiga, participou esta mañá na presentación do proxecto de reforma do pavillón ribadense ás asociacións deportivas do concello. Ao acto tamén asistiron o alcalde de Ribadeo, Fernando Suárez, e o concelleiro de Deporte, Vicente Castro, así como representantes das asociacións deportivas. O proxecto ten un prazo de execución de 12 meses que comezarán a partires de finais de marzo (*), e a Área de Deporte concede 2.500.000 euros para a execución das obras. O proxecto foi presentado por Vicente Castro aos representantes dos clubs, que mostraron a súa satisfacción xa que vai converter a instalación nun pavillón totalmente renovado, do cal unicamente se aproveitarán os vestiarios actuais, xa que foron construídos hai poucos anos. Contará cunha cuberta metálica de aceiro inoxidable formada por unha única peza, e no exterior terá un revestimento tamén metálico. A instalación contará con dous accesos, ademais dun ascensor e unha escaleira exterior de emerxencia. A pista poderá dividirse en 3 espazos mediante unhas lonas, o cal permitirá que o lugar sexa utilizado por varios clubs á vez para adestrar.
O concello de Ribadeo comprobara a necesidade desta reforma polas evidentes insuficiencias do pavillón, que imposibilitaban a práctica deportiva. Fernando Suárez afirmou que “de feito, algúns técnico xa manifestou as súas dúbidas de que o pavillón puidera aguantar o paso dalgún fenómeno meteorolóxico como unha pequena actividade sísmica, e en todos os temporais de vento se pecha durante días a instalación”. O alcalde reiterou o seu agradecemento “á Deputación de Lugo, e en especial á Vicepresidencia Primeira e ao deputado delegado de Cultura e Deporte, por este compromiso con Ribadeo polo que os veciños e veciñas estarán francamente agradecidos”.
O delegado de Deporte afirmou que con estas obras, “cúmprese unha vella demanda do concello e do deporte da Mariña en xeral, xa que dende hai tempo Ribadeo ven reclamando esta reforma e así, ademais, continuamos coa nosa liña de mellora da rede de instalacións deportivas municipais da provincia”. Afirmou que esta é “por fin, o concello contará cun pavillón practicamente novo, reformando o antigo, que data de preto dos anos 60 e presenta múltiples deficiencias”.
A Deputación de Lugo, a través da súa política deportiva, segue deste xeito na liña consolidar a existencia dunha rede de instalacións deportivas públicas na provincia que dea resposta ás necesidades dos concellos nesta materia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
