Comemórase o día 8 do actual, o Día Internacional da Muller, unha idea que xurdíu a finais do século XIX, en plena revolución industrial e durante o auxe do movemento obreiro; loita xa emprendida na antiga Grecia e reflectida por Aristóteles na súa obra “Lisistrata”. Sería, sen embargo, a primeiros do S.XX cando se comezou a proclamar, dende diferentes organizacións internacionais de esquerdas, a celebración dunha xornada de loita específica pola muller e os seus dereitos. É sabido que é ésta acaso a mais importante reivindicación universal dos dous últimos séculos a prol da dignificación social, legal e moral da muller, e Galicia non é unha excepción. O tráxico incendio na fábrica Triangle da cidade de Nova Iork, en 1908, no que morreron mais de 140 xoves traballadoras, deu pé a que a ONU decrarase tal data coma ésta dos anos sucesivos, de exaltación da muller, a celebrar en todo o mundo, para lembranza da fonda inxustiza que vive o colectivo das femias, e tamén de enérxica reclamación pola normalización de tan nefasta como inxusta situación. O movemento femenista desenvolve un papel importante neste eido e ilustres mulleres galegas da cultura: Rosalía de Castro, Emilia Pardo Bazán, Concepción Arenal ou Filomena Dato, autora do celebrado poema “En defensa de la mujer”, foron insignes e avanzadas voceiras do devandito colectivo. É certo que o obxetivo que se persegue non se acadou na súa totalidade e que posiblemente tarde en lograrse; hai que recoñecer, sen embargo, que os avances neste campo,¡faltaría mais!, foron espectaculares, como todos podemos constatar Baste, para percatarse, lembrar os versos escritos por Curros Enriquez, hai mais de cen anos, referido ò papel da muller galega e a súa dispoñibilidade na sociedade: “Na miña terra, unha moza,/ para coas xentes se levar, /ten que barrer, cociñar, /rezar, fíar e ir á roza. / A folgazana non goza / de sona, nin lado ten; / fóxenlle os homes de ben, / mora en cabana sen tella / e morre solteira e vella, / sen que a encomende ninguén”. Xa ve, lector amigo: nada que ver co de hoxe. Ditosamente.
Suso Fernández
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
