Nota de prensa
NAVA CASTRO E RAQUEL ARIAS TRASLADAN ÁS PRAZAS DE ABASTOS DE VIVEIRO E RIBADEO O APOIO DE ECONOMÍA E INDUSTRIA COMO AXENTES DINAMIZADORES DA ACTIVIDADE COMERCIAL
* A directora xeral de Comercio e a delegada territorial destacaron que tanto as prazas como os Centros Comerciais Abertos teñen un posicionamento estratéxico no desenvolvemento da actividade comercial de proximidade”
* O departamento autonómico destinou durante o pasado ano preto de 420.000 euros para impulsar o tecido comercial das dúas localidades da Mariña
Viveiro, 10 de marzo de 2011.- A directora xeral de Comercio, Nava Castro, e a delegada territorial da Xunta en Lugo, Raquel Arias, visitaron hoxe as prazas de abastos de Ribadeo e Viveiro. Durante a visita, as representantes do Executivo galego salientaron o apoio da Consellería de Economía e Industria a estes importantes espazos comerciais como dinamizadores e potenciadores da actividade comercial nas nosas vilas e cidades.
Nava Castro, que mantivo encontros coas praceiras e praceiros dos dous mercados de abastos para escoitar as súas demandas, lembrou que o departamento que dirixe Javier Guerra adxudicou o ano pasado unha partida global de 3,33 millóns de euros para a dinamización de 15 Prazas de Abastos e 49 Centros Comerciais Abertos das catro provincias galegas ao abeiro das axudas establecidas no programa de subvencións destinadas a mellorar a competitividade destas organizacións comerciais.
En Ribadeo, Economía e Industria investiu 263.777 euros no seu comercio durante o ano 2010 a través de distintas liñas de axuda. Así, a directora xeral, destacou a posta en marcha de actividades e campañas de dinamización económica, “un aspecto no que queremos incidir para atraer a un maior número de clientes aos mercados”, explicou Castro.
En concreto, Nava Castro sinalou que “tanto as Prazas de Abastos como os Centros Comerciais Abertos teñen un posicionamento estratéxico no desenvolvemento do comercio galego de proximidade”, de xeito que conforman un obxectivo estratéxico do Goberno galego establecido no Plan Ágora-Agora re-Comercia, dotado con case 130 millóns de euros.
Polo que respecta a Viveiro, a directora xeral agradeceu o interese das praceiras e praceiros polo desenvolvemento do espazo. Nesta localidade, a Xunta investiu ao longo do ano 2010 155.671 euros para a mellora e funcionamento do seu tecido comercial.
Neste sentido, destaca a achega realizada para o incentivo do asociacionismo, para o que o departamento autonómico destinou na localidade 69.526 euros, cos que se impulsan campañas de promoción, a publicidade, sinalización e a posta en marcha e potenciación de centros de compra.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
