Nota de prensa
Despois de tres anos de andaina feminista na Mariña, o Observatorio da Mariña pola Igualdade presenta a súa web
Nela poderanse atopar detalladamente todas as actividades do Observatorio así como información de interese
Despois de tres anos de andaina feminista nos que o Observatorio organizou múltiples actividades polas diferentes vilas da Mariña, temos o pracer de presentarvos a web do Observatorio www.observatorioigualdade.org
Na páxina, moi dinámica e visual, pódense atopar de xeito claro e conciso todos os traballos que o Observatorio levou a cabo practicamente desde o momento do seu nacemento. Actividades, campañas ou denuncias enchen de contido a páxina web, así como as galerías que dan conta da labor desenvolta nestes últimos anos. Tamén compre destacar os enlaces de interese a diferentes webs tanto nacionais como estatais, así como o calendario de próximos eventos. Non falta os datos de contacto do Observatorio ou diverso material para descarga como a cartelería ou o formulario para facerse soci@.
Amais da presentación da nosa web coincidindo co noso terceiro aniversario, queremos aproveitar para agradecer a todas as persoas que nos apoiaron durante estes anos e que participaron nas actividades levadas a cabo como as charlas-café “Falemos de…”, os videoforum “Mulleres no Mundo”, a Escola Feminista Corona González, os diferentes obradoiros como o tuppersex ou o de “ser homes por un día”, o curso de fotografía dixital “Olladas de Mulleres”, a campaña Dálle a Volta, o proxecto Dándolle a Volta, o ciclo de cine erótico “O desexo en imaxes”, as diferentes exposicións, os actos organizados polo 25 de Novembro en contra da violencia machista, etc.
Tamén queremos aproveitar para facer referencia aos recortes dos recursos destinados a eliminar a discriminación e a desigualdade, desmantelando na práctica as políticas de igualdade e benestar, de modo que as mulleres acaban as cargas dun sistema que debería asegurarse e afianzarse en tempos de crise. A eliminación dos equipos de igualdade das oficinas I+B, a paralización da creación de escolas infantís e centros de día, a supresión do programa Tempos de Mulleres ou das axudas á cotitulariedade das explotacións agrarias, do programa Arlinga de axudas ás mulleres redeiras ou mesmo a desaparición do Servizo Galego de Igualdade non debe pasar desapercibido.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
