Nota de prensa
Francisco Rodríguez presenta en Foz o Venres o seu último libro sobre Rosalía de Castro.
A Asociación Socio Pedagóxica Galega en colaboración coa Asociación Cultural “A Pomba do Arco” vai presentar o vindeiro venres 18 de Marzo a partir das 20:15 no Salón de Actos do Cenima de Foz o libro “Rosalía de Castro, estranxeira na súa patria” no que participara o autor do mesmo Francisco Rodríguez.
Segundo explicou o Presidente da Pomba do Arco, Xoán R. Fernández Pacios, que acompañará a Rodríguez na presentación “este acto enmárcase no interese da nosa Asociación e do movemento cultural da Mariña en divulgar a figura de Rosalía de Castro na súa plenitude, fora de tópicos e estereotipos, fuxindo da terxiversación e situando a súa producción literaria na súa realidade social”.
Neste acto abordarase a idea de que a obra literaria de Rosalía é un todo, como demostra no seu libro Francisco Rodríguez, un todo onde a Rosalía, patriota, anticapitalista ou feminista non se pode illar da realidade política daquela Galiza da segunda metade do século XIX, a Galiza da Revolución do 46, a Galiza dos provincialistas e moi particularmente daquela xeración do Banquete de Conxo da que formaba parte con Murguía, con Pondal ou con Aguirre.
O Presidente da Pomba do Arco engadiu que “Rosalía segue a ser unha grande descoñecida para nós a pesar de tratarse da figura senlleira da nosa literatura, e singular dentro do conxunto das letras peninsulares. A súa obra tanto en galego como en español é unha fonte que nunca se esgota e neste sentido a nosa intención e animar ao seu coñecemento que non é nin máis nin menos que a súa lectura. É hora de achegarse a Rosalía sen prexuízos”.
Non é a primeira vez que Francisco Rodríguez aborda un tema da nosa cultura e do noso País. Lembramos aquel primeiro traballo sobre Curros a principios dos 70, ou aquela outra obra chave da nosa socialinguística como é “O conflicto linguístico”, pasando por ese ensaio central para entender o noso feito nacional como é “Problema nacional e colonialismo.O Caso Galego”, ou os seus traballos sobre a Idade Media. Tampouco podemos esquecer a súa amplía obra no campo ensaístico que alén dos autores e temas tratados abren un novo xeito de entender e interpretar a nosa cultura, afirmou o Presidente da Pomba do Arco.
A Asociación Cultural A Pomba do Arco e a A Asociación Socio Pedagóxica Galega convidan a tódo-los veciños de Foz e da Mariña a que acudan ao acto de Francisco Rodríguez a fin de coñecer mellor a figura de Rosalía e a súa importancia na nosa cultura.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
