Nota de prensa
A Deputación formará ós traballadores e xestores locais para garantir a legalidade do proceso electoral do 22-M
– Soengas e Roel presentan a xornada “Elección e Constitución das Corporación Locais. O Rexistro de Intereses” que acollerá o Salón de Actos do Pazo provincial o 24 de marzo
– Trátase dunha convocatoria pioneira na provincia, na que se abordarán as modificacións da Lei Orgánica de Réxime Local da man de Enrique Acubilla, Letrado das Cortes Xerais
– 70 persoas formularon a súa inscrición á espera de que mañá remate o prazo de solicitude
– A Deputación porá en marcha unha novidosa guía electoral práctica durante o proceso electoral á que poderán acceder os traballadores das administracións locais mediante a Rede
Os Deputados das Áreas de Cooperación cos Concellos e de Persoal, Antonio Gato Soengas e Melchor Roel respectivamente, presentaron este mércores a xornada “Elección e Constitución das Corporacións Locais. O Rexistro de Intereses” que acollerá o Salón de Actos do Pazo de San Marcos o vindeiro 24 de marzo, dende ás 10:00 horas e ata ás 14:00 horas. Trátase da dunha convocatoria pioneira na provincia, dirixida ó persoal das administracións lucenses, que persegue garantir a legalidade dos procesos electorais de cara ó 22 de marzo, mediante a formación dos traballadores e xestores locais.
Soengas e Roel explicaron que ó persoal dos Concellos asumen as funcións de delegados das Xuntas Electorais de Zona, converténdose en parte responsable no bo funcionamento do proceso electoral. Ademais, para algúns a vindeira cita coas urnas será a primeira nas súas vidas profesionais. A maiores, a modificación da Lei Orgánica de Réxime Local acentúa a necesidade desta formación tanto para os funcionarios como para os alcaldables que precisan coñecer a xestión das competencias municipais durante o proceso electoral. Por exemplo, a nova normativa establece que non se pode contratar espazos de publicidade electoral nos medios de comunicación de titularidade pública nin nas emisoras de televisión privada. O gasto das candidaturas en pancartas e bandoleiras non poderá exceder o 20%, (anteriormente era o 25%) do límite de gastos previsto segundo o proceso electoral de que se trate.
Deste xeito, os Deputados salientaron que as áreas de Cooperación cos Concellos e de Persoal “suman esforzos na celebración desta pioneira xornada na provincia”, que dotará ós traballadores e xestores locais dos coñecementos e ferramentas necesarias de cara a respostar dúbidas como: poden os gobernos locais facer inauguracións ou presentación de proxectos dende a convocatoria das eleccións ou dende o comezo da campaña?; ata cando e que tipo de publicidade poden facer os grupos políticos?; como poden rexistrarse as candidaturas independentes?; cal é o réxime de incompatibilidades dos alcaldables?; ou como se facilita a consulta do censo electoral por internet?.
Todas as cuestións que se produzan serán resoltas por Enrique Acubilla, ponente convidado para a xornada, letrado das Cortes Xerais, e un dos maiores expertos en dereito electoral do país.
70 persoas inscritas
Dende a publicación no Boletín Oficial da Provincia da celebración de Elección e Constitución das Corporacións Locais. O Rexistro de Intereses” a semana pasada, 70 persoas xa se inscribiron. Todos os interesados poderán anotarse ata mañá, 17 de marzo. Para elo, deberán descargar da páxina web www.deputacionlugo.org o formulario de inscrición, e logo remitilo ó correo formacion@deputacionlugo.org ou a dirección postal Rúa San Marcos 8, 27001 Lugo; ou ben presentalo de forma presencial no rexistro xeral da Deputación.
Contido da xornada
Para garantir a máxima legalidade do proceso electoral, farase unha análise xurídica do proceso electoral, dende a convocatoria á constitución das novas corporacións locais. Para elo, abordara o Réxime Xurídico da Administración electoral; examinaranse as fases do procedemento electoral con especial enfoque nas actuacións levadas a cabo polos funcionarios; estableceranse as relacións entre as distintas administracións que interveñan no proceso electoral; e avaliaranse as liñas necesarias para a axeitada constitución das corporacións locais.
O programa da xornada desglósase da seguinte maneira: 1.- A Administración Electoral, organización e funcionamento das Xuntas Electorais e as súas competencias. O dereito de sufraxio activo e pasivo. O cento electoral; 2.-Fases do proxecto electoral. Convocatoria. Representantes. As candidaturas presentadas polas entidades políticas. Especialidades das agrupacións de electores; 3.-A campaña electoral. A intervencións dos Concellos nesta. Día da votación. Votación persoal e por correo. Escrutinio e proclamación de electos; 4.-As mesas electorais. Designación. O sorteo. As súas funcións. O papel dos Concellos; 5.-A constitución do Concello. A Mesa de Idade. A elección do Alcalde. Recomendacións; 6.-Pautas para unha óptima preparación das eleccións.
Guía electoral práctica
Antonio Gato salientou que esta xornada “é unha iniciativa máis de cooperación cos Concellos da provincia”. Neste senso, adiantou que o organismo provincial está a traballar na posta en marcha dunha guía electoral práctica que poderán empregar os traballadores das administracións lucenses durante o proceso electoral. Trátase dunha ferramenta informática que, a partires do 24 de marzo, estará activa na web www.deputacionlugo.org, concretamente na área de cooperación cos Concellos. O persoal municipal poderá acceder mediante nome de usuario e clave a este espazo onde, de xeito sinxelo, didáctico, e claro se abordan todas as cuestións que poidan xurdir na preparación, convocatoria e desenvolvemento do proceso electoral do 22-M.
O Deputado explicou que esta pioneira ferramenta informática na provincia actualizarase puntualmente ante calquera modificación das normativas electorais. Deste xeito, incorpora varios links nos que se pode acceder a unha enciclopedia electoral que resolve as dúbidas sobre conceptos e fases do proceso; ó código electoral que inclúe a selección da normativa reguladora dos procesos electorais (Europeo, Estatal, Autonómico e Local); ós informes e acordos da Xunta Electoral Central recopilados, ordenados e organizados por materiais; á xurisprudencia electoral, etc.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
