NOTA DE PRENSA
RAQUEL ARIAS SINALA QUE OS NOVOS PARQUES DE BOMBEIROS CUBRIRÁN AS EMERXENCIAS NA TOTALIDADE DO TERRITORIO DA MARIÑA
* Durante a inauguración das instalacións de Barreiros, a delegada territorial destacou a dimensión da actuación desenvolvida polo Consorcio Provincial, que representa un investimento de 9,5 millóns de euros
Barreiros, 17 de marzo de 2011.- A delegada territorial, Raquel Arias, destacou que a totalidade do territorio da Mariña quedará cuberta fronte a posibles emerxencias coa posta en marcha dos novos parques de bombeiros, xestionados polo Consorcio provincial que integran a Xunta de Galicia e a Deputación Provincial.
A delegada realizou estas declaracións durante a inauguración das instalacións do parque de Barreiros que, xunto co de Viveiro, “marcará un novo tempo na Mariña no que a emerxencias se refire”, afirmou, ao procurar “un servizo profesional e moderno dotado con infraestruturas e medios materiais axeitados para atender, con rapidez de resposta e eficiencia, continxencias de toda índole”.
Así, explicou que coa incorporación dos cinco novos parques de bombeiros do Consorcio, “preto do 90% da poboación de Lugo, e do 70% do territorio, ten asegurada unha cobertura dilixente e eficaz diante de calquera emerxencia”.
No caso da Mariña, engadiu, “o incremento da seguridade resulta evidente, xa que queda cuberta a totalidade do territorio, 1.326 quilómetros cadrados, e da poboación, 74.192 veciños e veciñas”.
A delegada lembrou que o actual Goberno da Xunta reactivou as negociacións coa Deputación provincial para a posta en marcha da rede de parques na provincia. Este proxecto, subliñou, “representa un esforzo cuantificable, de 9,5 millóns de euros”, e “involucra a 120 traballadores, que neste momento están recibindo a formación axeitada”.
Arias incidiu na envergadura da iniciativa e na promoción da colaboración administrativa para levar adiante este tipo de actuacións que redundan no progreso de Lugo. “Sacando adiante o proxecto da rede de parques de bombeiros superamos unha carencia inaceptable nunha provincia que aspira a contar cos mellores e máis completos servizos”, asegurou.
Por último, a delegada fixo referencia “ao gran traballo que veñen desenvolvendo en situacións de emerxencia os membros dos Grupos Municipais de Intervención Rápida (Grumir), dando mostras da súa responsabilidade e entrega”.
Os Grumir, que se sosteñen basicamente grazas ás achegas económicas da Consellería de Traballo e Benestar a través dos programas de cooperación cos concellos, “seguirán prestando unha colaboración fundamental”, afirmou.
Na inauguración das novas instalacións de Barreiros participou tamén o director xeral de Emerxencias e Interior, Santiago Villanueva, así como o alcalde da localidade, Alfonso Fuente, e o presidente da Deputación, José Ramón Gómez Besteiro, entre outros.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
