Nota de prensa
O LÍDER CHEGA DENDE PUERTOLLANO PARA DESAFIAR A BOMBONEIRA
Custodiando o liderado, o CD Puertollano chega á Mariña na trixésimo primeira xornada de Prata para desafiar a fortaleza da bomboneira. O espectáculo futbolístico dará comezo mañá ás 18.30 horas.
O Burela FS enfróntase a unha dura tarefa antes da xornada de descanso, na defensa da sétima praza (43 puntos), asediada polo Arcebansa Zamora (43) e o Lanzarote Arrecife 2020 Tías Yaiza (38). Os pupilos de Suso Rey poñerán a proba a resistencia de Vista Alegre ante o rival máis forte da categoría (70 puntos), cos mellores números como visitante; en 14 citas a domicilio, os castelano-manchegos tan só deixaron escapar 5 puntos, co empate ante ElPozo Ciudad de Murcia (3-3) e a derrota en Navarra (3-0), na cuarta e undécima xornada respectivamente.
A cita reunirá os dous conxuntos menos goleados de Prata, con 48 tantos encaixados para o Puertollano e 68 para o Burela FS, polo que ambas as escuadras se afanarán en perfeccionar a súa finalización. Os pivotes Párraga, con 25, e Werner, con 18, son os grandes protagonistas no remate das filas puertollanenses.
Nos últimos enfrontamentos entre casteláns e burelaos sempre se impuxo o factor cancha. Se na primeira volta os tres puntos caeron do lado do Puertollano (3-2), no play off de 2009-10 os laranxas gañaron o encontro de Vista Alegre (5-2), fronte aos dous do Antonio Rivilla (6-4 e 3-0).
Para mañá, Suso Rey poderá contar finalmente con Edu e Esteller, minguados nos últimos días por unha contractura de abdutor e unha sobrecarga no xemelgo, respectivamente. Na convocatoria volverán entrar os xuvenís Antón e Juan.
Antes de dar comezo o partido, Vista Alegre gardará un minuto de silencio polas vítimas do terremoto do Xapón, un golpe da natureza contra o que o país nipón loita dende o pasado 11 de marzo.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
