Nota de prensa
RAQUEL ARIAS E O ALCALDE DE BARREIROS ASINAN O CONVENIO DE ADHESIÓN DESTE CONCELLO Á REDE DE AULAS CEMIT, NA QUE PARTICIPAN 17 MUNICIPIOS LUCENSES
* Estes centros brindan aos veciños a oportunidade de facer uso das novas tecnoloxías de xeito gratuíto
Lugo, 18 de marzo de 2011.- A delegada territorial, Raquel Arias, e o alcalde de Barreiros, Alfonso Fuente Parga, asinaron o documento de adhesión deste municipio á rede de aulas CeMIT –Centros para a Modernización e a Inclusión Tecnolóxica de Galicia-, co que xa son 17 os concellos da provincia que participan deste proxecto.
As aulas CeMIT son unha iniciativa da Secretaría Xeral de Modernización e Innovación Tecnolóxica que brinda aos cidadáns acceso gratuíto ás novas tecnoloxías, xa que teñen como obxectivo promover o uso das novas tecnoloxías da información e a comunicación entre a poboación, especialmente nos colectivos onde a fenda dixital é máis evidente.
Raquel Arias destacou a importancia deste proxecto, “que persegue a alfabetización dixital da sociedade galega”. A delegada subliñou que “estas aulas fomentan o uso das TIC entre a poboación en xeral, pero tamén promoverán a formación dixital entre os profesionais galegos”. Así, explicou, programaranse actividades exclusivamente dirixidas “a mostrar ás pemes e micropemes as vantaxes da sociedade da información”.
Neste sentido, a delegada sinalou que o Plan de Formación 2011 para a rede de centros CeMIT recolle unha oferta de máis de 1.000 cursos gratuítos que se impartirán en 89 concellos galegos, mediante formación presencial e online.
O programa formativo está dividido en tres áreas: A alfabetización dixital, a formación multimedia e audiovisual, e a formación avanzada para os profesionais galegos das TIC, microempresas e autónomos así como traballadores da Administración pública.
Deste modo, a rede CeMIT configúrase como un importante vehículo para a posta en práctica de iniciativas orientadas a impulsar as TIC e a Sociedade da Información na comunidade autónoma. As aulas están dotadas de avanzado equipamento audiovisual e multimedia, contan con acceso a Internet e teñen xa implantación en todas as comarcas de Galicia.
Na provincia de Lugo adheríronse a esta iniciativa os concellos de O Vicedo, Viveiro, Burela, Foz, Ribadeo, Riotorto, Guitiriz, Lugo, A Fonsagrada, Monterroso, Sarria, Becerreá, Chantada, Carballedo, Monforte de Lemos e Quiroga, aos que suma agora Barreiros.
Na liña dos convenios precedentes, o convenio co concello de Barreiros establece que este asumirá as obras necesarias no local, a contratación dunha liña ADSL de alta velocidade con IP fixa exclusiva para a aula e a contratación dunha persoa encargada de atender o servizo.
Pola súa banda, a Xunta acondicionará e dotará o local e abonará aos concellos unha cantidade equivalente ao o 80% do salario do Axente TIC, sendo o municipio o que achegue o 20% restante.
A Rede CeMit ten a vocación de achegar os contidos e os servizos tecnolóxicos en igualdade de oportunidades a todos os galegos. Con este obxectivo a Secretaría Xeral de Modernización e Innovación Tecnolóxica e a Federación Galega de Municipios e Provincias asinaron o pasado mes de abril un acordo para difundir, promocionar e potenciar a Rede, co obxectivo de que os concellos se sumen á iniciativa para que o novo modelo acade o maior ámbito xeográfico, institucional e social posible.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
