BURELA .- As delegacións de Educación e Medio Ambiente de Burela programaron diversas actividades para os nenos durante o Nadal.
Os rapaces de Burela de educación infantil e primaria son os destinatarios do 2º Certame de Nadal Propostas para mellorar o medio ambiente en tres modalidades: fotografía, relato curto e debuxo. Segundo a edil responsable destas delegacións, Lucía Bouza “o que teñen que facer os nenos e as nenas é retratar, describir ou debuxar o trato que os adultos lle damos ao medio ambiente. Este certame tivo o ano pasado unha alta participación e tamén quedamos moi sorprendidos da boa calidade dos traballos presentados”. Os interesados en participar neste certame deben inscribirse na biblioteca de Burela ata o 24 de decembro “despois durante estas festas terán que facer e presentar os seus traballos e o 17 de xaneiro farase un acto para proceder á entrega dos premios”, segue a relatar a concelleira socialista. Os rapaces que se inscriban para participar na modalidade de fotografía recibirán unha cámara dun só uso e o Concello farase cargo do cUste do seu revelado. O xurado estará formado por responsables dos CEIP Vista Alegre e Virxe do Carme e por representantes da delegación de Educación de Burela e de Gaia. Os gañadores nas modalidades de fotografía e relato curto recibirán cámaras de fotografía dixitais e os de debuxo un lote de materiais para pintar e debuxar.
Intensa actividade da Banda de Música
A música tamén estará moi presente neste Nadal en Burela. As actividades musicais comezarán mañá xoves 18 de decembro ás 20:00 horas co Concerto de Familia que terá lugar na Casa da Cultura “e no que tocan as agrupacións que hai dentro da Escola de Música. Este ano cambiamos a localización debido á grande afluencia de público coa que conta esta primeira cita musical do Nadal”, explica Lucía Bouza. O día 26 de decembro o grupo de Coros actuará na gardería de Burela e o día 30 a banda infantil e o grupo de vento ofrecerán un concerto na residencia da 3ª idade.
Xa o 3 de xaneiro a Banda de Música ofrecerá o seu tradicional concerto de aninovo a partires das 20:00 horas no Auditorio da Casa da Cultura. Lucía Bouza convida “a todos os que o desexen a acudir a esta cita, na que se estrearán 15 novos membros da banda que teñen idades que oscilan entre os 11 e os 13 anos. Tanto desde o Concello coma desde a propia Banda estamos moi satisfeitos coa súa participación. Vanse estrear aquí, vanse presentar no seu pobo e son o futuro da nosa Banda e queremos desexarlles moita sorte”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
