O alcalde de Foz di que ninguén o manipula e que este mes irán a pleno reclamacións dos empresarios

Nota de prensa:
O Alcalde do Concello de Foz manifesta que é posible que o Sr. Pedro Fernández Manín me teña que dar leccións de Economía. Este home foi un importante xestor de banca e entendo que ten que saber moito máis que eu disto, aínda que por terras de Viveiro non opinan o mesmo. Pero o que si lle teño que dicir é que, me parece que o que hai que facer é respectar ás persoas, tanto el como o candidato, e deixar xa os temas persoais aparte. Aínda que o candidato do PP critique o noso Goberno, teríamos que dicirlle que o modelo elixido por vostede, e que dirixe ese señor de San Martiño, que deixou o Concello en bancarrota no ano 1995, que provocou que nin sequera nos daban combustible na gasolinera para o día a día da nosa brigada de obras, non é o mellor exemplo, nin tampouco o colega que sae nas fotos. Vostede Sr. Javier Jorge é rehén dos seus mentores, cabaleiros que é mellor esquecer polas fechorías que levan feito e, por iso, debe de falar de propostas e deixar o tema persoal aparte.

Miren a José Maria García Rivera, ninguén o manipula, ten a súa personalidade propia, pero a vostede van a marcarlle o camiño do que pode facer e non pode facer, iso queda claro.

Respecto a non recoñecer o que se debe legalmente aos proveedores, alá vostedes. Este mes irán a pleno as reclamacións por escrito dos empresarios. Vostede voten o que queiran, logo xa será a xustiza quen esixa responsabilidades. Este Goberno é serio e ten un rumbo firme e prometeu que a nave chegaría a bo porto e así será, dunha maneira tranquila.

Abastecemento de auga

O Concello de Foz, pouco a pouco vaise facendo cos terreos necesarios para que, dunha vez por todas, o proxecto de Abastecemento de auga a Foz e a construción de dous depósitos sexan unha realidade.

O Alcalde explica que, en principio, íase a ampliar o depósito existente e construír un novo, pero os técnicos chegaron á conclusión de que o mellor era facer dous depósitos novos. Trasladada a proposta á Alcaldía, o responsable municipal púxose as pilas e o Concello fíxose cunha finca de aluguer por 6 anos nese lugar chamado “LOMBO DE BREA”, Polígono 20 Parcela.107. A finca ten unha extensión de 2.467 m2 e o prezo fixado e de 210 euros mensuais.

O Alcalde manifesta que seguimos traballando e solucionando problemas que acarrea esta obra. Primeiro tivemos que buscar terreos para subir a tubería nova ata os depósitos, despois solucionar a baixada das mesmas e enviala por viais do Polígono e agora poñer máis terreos para os depósitos, e a maiores poñer máis de 300.000€ para a obra. Despois preguntan en qué gastamos os cartos.

Rivera manifesta que merece a pena traballar por esta obra que é o futuro de Foz en materia de abastecemento e seguridade para os fogares e empresas.

Por último, remitimos autorización do Ministerio de Medio Ambiente para verter a area procedente do dragado da ría nas proximidades da praia de Arealonga, en Nois.