Nota de prensa
Asociacións e colexios percorrerán esta semana A Mariña, Terra Chá e A Montaña co programa Km0
– A Pontenova, Cospeito, Ribadeo, Negueira e O Cebreiro son os destinos das rutas, nas que participarán máis de 300 persoas entre hoxe e o xoves
– Un grupo de 48 alumnos do CEIP do Corgo coñeceron este martes o pasado mineiro da Pontenova e outros 48 integrantes da Asociación Comisión de Festas de Navia de Suarna visitaron as Lagoas de Cospeito
As comarcas da Mariña, Terra Chá e A Montaña son as protagonistas no programa medioambiental Km0 da Deputación para esta terceira semana do mes de marzo. Máis de 300 integrantes de asociacións e alumnos de centros educativos lucenses farán as rutas previstas, que terán como destino A Pontenova, Cospeito, Ribadeo, Negueira de Muñiz e Pedrafita do Cebreiro, e que contribuirán a potenciar a economía local, ó atraer un gran número de visitantes a estes municipios.
A semana comezou con percorridos para coñecer o pasado mineiro da Pontenova e as Lagoas de Cospeito, que fixeron este martes 48 escolares do CEIP do Corgo e outros 48 integrantes da Asociación Comisión de Festas de Navia de Suarna, respectivamente. A Deputada de Economía, Regina Polín, recibiu este martes a ámbolos dous grupos no Pazo de San Marcos. Seguidamente, os rapaces do Corgo visitaron o Centro de Artesanía e Deseño (CENTRAD) e desprazáronse ó Concello pontenovés para, despois de comer no restaurante “Sarredo”, visitar a Ferrería de Bogo, Os Fornos e, finalmente, as instalacións de Industrial Recense, dedicada a elaboración de ferraxes. Os veciños de Navia coñeceron a Fundación TIC e, xa en Cospeito, estiveron nas Lagoas, a Torre de Caldaloba e o Museo de Preshistoria e Arqueoloxía da Terra Chá. A comida tivo lugar na “Casa Grande” de Anllo.
Mañá mércores, 55 alumnos do CEIP Juan Rey de Lourenzá farán a ruta “Ría de Ribadeo” e 48 membros da asociación veciñal de Santalla de Riotorto estarán en Negueira de Muñiz. Os estudantes laurentinos iniciarán a viaxe cunha visita á Fundación TIC para despois, xa en Ribadeo, comer no restaurante “Oviedo”, facer unha travesía en lancha pola ría, subir no ascensor panorámico do porto deportivo de Porcillán e achegarse ó convento das Clarisas e ó casco histórico. Polo que respecta ós veciños de Riotorto, tras unha visita á olería de Bonxe, comerán no restaurante fonsagradino “Cantábrico”, e pola tarde percorrerán a área recreativa de Negueira de Muñiz e visitarán o Museo Comarcal da Fonsagrada.
A programación da semana remata o xoves cunha viaxe a O Cebreiro, demandada polo CEIP Menéndez Pelayo de Lugo e na que participarán 55 rapaces. A expedición fixo unha visita á olería de Bonxe, cubriu un tramo do Camiño Francés e desprazouse á igrexa de Santa María La Real, ás pallozas e ó Monte da Cruz. A comida tivo lugar no establecemento “San Girald de Aullirac”. Tamén está prevista unha saída a Ribadeo, que farán 48 integrantes da Asociación de Xubilados e Pensionistas UPD de Guitiriz e que consistirá nunha visita ó CENTRAD e, unha vez chegado á vila mariñana, á Illa Pancha, ó forte de San Damián e ó casco histórico.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
