Nota de prensa
In Lugo organiza unhas xornadas para mostrar ás empresas como posicionarse nas redes sociais
– Están inscritos unha vintena de empresarios e emprendedores, que coñecerán os métodos existentes para incrementar a visibilidade do seu negocio en Internet
– O curso comeza este sábado e continuará os días 2, 9, 16 e 30 de abril, sempre en horario de 10:00 a 14:00 horas
– O centro tamén desenvolverá entre o 28 e o 31 de marzo un curso de ofimática básica, no que os 15 inscritos aprenderán a manexar os programas Word, Excel e Power Point
O Centro de Innovación Social In Lugo iniciará este sábado unhas xornadas dirixidas a empresas e emprendedores que mostrarán como posicionar un negocio nas redes sociais. As 15 prazas dispoñibles nun principio aumentáronse debido ó interese que suscitou o seminario. A día de hoxe están inscritas 20 persoas, pero o prazo segue aberto hasta mañá, polo que os interesados aínda teñen tempo de poñerse en contacto co centro e anotarse. Trala xornada do sábado, a actividade continuará os días 2, 9, 16 e 30 de abril, sempre en horario de 10:00 a 14:00 horas.
O obxectivo é ensinar dunha maneira eminentemente práctica ós asistentes –empresas, comerciantes, autónomos e emprendedores- as transformacións xeradas polas novas tecnoloxías no ámbito persoal, empresarial e institucional, as novas formas de relacionarse e comunicar en Internet e as ferramentas e estratexias para promocionar e incrementar a visibilidade dun negocio na Rede a través dunha campaña de mercadotecnia on line. Tamén se expoñerán e analizarán experiencias empresariais e exemplos nos que se usan correctamente as novas ferramentas de promoción, e os asistentes crearán e deseñarán a súa propia estratexia de márketing adaptada ó seu modelo de negocio.
No marco do seu programa de actividades, o Centro de Innovación Social (CIS) impartiu o pasado luns e martes un taller de DNI Electrónico, no que participaron 15 persoas, cubríndose a cota de prazas dispoñibles, e hoxe xoves inicia outro no que se darán a coñecer ós dez asistentes, na súa gran parte maiores de 50 anos, as redes sociais de Internet máis populares: Facebook, Tuitter e YouToube. Estas xornadas teñen lugar de 11:00 a 13:00 horas e terminarán mañá.
Por outra banda, a próxima semana, entre o 28 e o 31 de marzo, en horario de 11:00 a 13:00, desenvolverase un taller de ofimática básica que ten as 15 prazas dispoñibles xa cubertas e no que se ensinará a manexar os programas Word, Excel e Power Point.
Liberdade de documentos
O CIS tamén prepara a súa participación no Día da Liberdade dos Documentos, unha celebración de carácter internacional que terá lugar o próximo mércores, 30 de marzo. Durante esta xornada, os lucenses poderán achegarse as instalacións de In Lugo para que lles sexa instalado na súa computadora o programa OpenOffice ou LibreOffice. O Día da Liberdade de Documentos está promovido por organizacións do campo do acceso ó coñecemento, a non discriminación e o Software Libre co obxectivo de chamar a atención sobre a importancia de conservar os documentos dixitais que usan os cidadáns en formatos libres e baixo estándares abertos, e promover a adopción de formatos de documentación abertos.
In Lugo é un centro creado pola Deputación de Lugo que se dedica a desenvolver e probar novidosos produtos e servizos baseados nas novas tecnoloxías que axuden a mellorar a calidade de vida das persoas, especialmente da terceira idade e dependentes. En España só funcionan iniciativas semellantes en Cataluña e o País Vasco, pero ningunha delas está enfocada ó benestar social, como neste caso. Tamén ofrece actividades de formación, todas gratuítas, co fin de contribuír a eliminar a fenda dixital na sociedade lucense -ó achegarlle as novas tecnoloxías, sobre todo ós colectivos máis desfavorecidos-, fomentar o envellecemento activo e impedir o illamento dos veciños da provincia.
Os interesados en tomar parte nas actividades do Centro de Innovación Social (CIS) poden informarse ou inscribirse nas súas instalacións, no edificio da Escola de Imaxe e Son, en horario de 9:00 a 21:00 horas, de luns a venres; os sábados, de 10:00 a 14:00 e de 16:00 a 20:00, e os domingos, entre as 10:00 e as 14:00 horas; entrando na súa páxina web (www.inlugo.deputacionlugo.org) ou ben enviando un correo electrónico a inlugo@deputacionlugo.org Ademais da modalidade presencial, pódense facer cursos on line. Para elo hai que inscribirse na web.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
