NOTA DE PRENSA
A cita tiña por obxecto recadar fondos para a Comisión de Festas do Carme e Maruxaina
2.300 PERSOAS ENCHERON A CARPA DO FESTIVAL DO OURIZO DE SAN CIPRIÁN NO QUE SE SORTEARON 6.000 EUROS
Oscar López de Mondoñedo foi agraciado co primeiro premio de 4.000 euros. O segundo, dotado con 2.000 euros quedouse en San Ciprián e foi para Eduardo González.
Elvira Basanta foi a gañadora da estancia dunha semana no balneario de Oca de Pantón, cortesía da ACIA de San Ciprián.
Cervo 28 de marzo 2011.- A pasada madrugada do sábado ao domingo, a pesar de ter unha hora menos, non foi impedimento para que máis de 2.300 persoas encheran a carpa do Festival do Ourizo de San Ciprián, unha cita organizada pola Comisión de Festas do Carme e da Maruxaina co obxectivo de recadar fondos que destinarán a engrandecer aínda máis estas dúas principais citas festivas de verán na Península da Paz.
Ademais da espectacular actuación da orquestra Philadelphia que non deixou indiferente a ninguén coa súa boa música, variados ritmos e coas impresionantes voces dos seus intérpretes, o Festival do Ourizo sorteou 6.000 euros en premios. As rifas previamente distribuídas na maioría dos establecementos comerciais da comarca, que se adheriron á promoción, fixeron viaxar o primeiro premio ata Mondoñedo, pois o agraciado cos 4.000 euros foi Oscar López, veciño desta localidade quen adquiriu a rifa por mercar nun dos establecementos da ACIA desta localidade. O segundo premio quedouse na vila anfitriona, San Ciprián, e dotado de 2.000 euros foi a parar a Eduardo González, veciño de Lieiro. Finalmente Elvira Basanta foi a gañadora da estancia dunha semana no balneario de Oca de Pantón, un agasallo cortesía da ACIA de San Ciprián. Esta última resultou premiada grazas a unha rifa entregada como agasallo complementario tras adquirir a entrada ao Festival do Ourizo.
AGRADECEMENTO
A comisión organizadora agradece unha vez máis as institucións, asociacións de comerciantes e colectivos que colaboraron para facer realidade o Festival do Ourizo e moi especialmente aos veciños da comarca pola notable acollida. A Comisión de Festas significou nomeadamente o apoio ofrecido polos concellos de Cervo, Vicedo e Barreiros e das ACIAS de Mondoñedo, Xove, Foz e A Pontenova e San Ciprián sen cuxa axuda non lograrían o éxito acadado.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
