Nota de prensa:
Os nacionalistas preséntanse como un equipo de traballo para gobernar Foz con auténticas políticas de esquerda
O BNG aproba a súa candidatura convencido de liderar o cambio político en Foz
Foz, 29 de marzo de 2011.- O BNG de Foz aprobou este luns en asemblea a candidatura que se presentará ás próximas eleccións municipais do 22 de maio. Os nacionalistas concorren aos vindeiros comicios cunha lista que combina a experiencia e a renovación, equilibrada no territorial, no xeracional e no profesional e que ten vocación de equipa, non de suma de persoas. Unha equipa que quere liderar o cambio político en Foz, avalada pola práctica política desenvolta no Concello nestes catros anos, unha equipa conformada por persoas solventes e capacitadas para dirixir o Concello de Foz nun momento tan complicado como este, unha equipa que é un reflexo do tecido social pero tamén unha equipa coa ilusión suficiente para facer fronte aos retos futuros para transformar Foz. Estamos certos de que é unha candidatura que se semella o máis posíbel ao que hoxe é o noso Concello.
A lista está encabezada polo actual portavoz municipal, Xan Carlos González Basanta e por Balbino Fernández López, xestor e asesor contable e tamén concelleiro nesta corporación. No posto terceiro preséntase Benito García Bolaño, membro da Asociación O Castro de Vilaronte, como número catro Amara Méndez Alonso, de Fazouro e Traballadora Social e número cinco Guadalupe Ramos Pillado, membro da ANPA do Colexio Público nº 1.
A continuación presentase Xulián Amarelo Eijo de Nois, mestre e adestrador de fútbol sala, Inés Paz Neira, ama de casa e responsable local, Manuel Sampedro Méndez, enfermeiro do Centro de Saúde de Foz, Santiago Fernández Río, autónomo de Cangas, Xosefa Xove Ferreiro, profesora no IES de Foz, Iago Díaz Villamil, médico no Hospital da Costa e veciño de San Martiño, Lorena Seivane García, licenciada en empresariais e empregada de banca, David Varela Fernández, traballador de Alcoa, Ricardo García Blanco, traballador do Servizo de Vixiancia Aduaneira, e Pilar Fernández Méndez, ensinante e directiva da asociación Cultural A Pomba do Arco. Completan a lista Miguel Seivane Gacio, pequeno empresario, Elvira Arias Sante, administrativa e Xosé Ramón Pena Marful, xubilado e membro activo da Comisión Focega en defensa da Sanidade e da Asociación de veciños O Castro de Foz.
O BNG preséntase no Concello de Foz como a única alternativa de esquerdas para combater as políticas de privatizacións e recortes laborais e sociais que os outros partidos defenden a pesar de traizoar a súa ideoloxía. Pola contra, o BNG ofrece unha xestión municipal que poña por diante os intereses públicos, a democratización das decisións municipais e o control do gasto que free o actual endebedamento do concello. Xa que logo os eixos rectores da alternativa nacionalista para estas eleccións pivota sobre a mellora dos servizos públicos e a posta en marcha de políticas activas que fagan posíbel a creación de emprego de calidade. Os nacionalistas están convencidos de que non hai máis alternativa de cambio que a súa proposta, na medida de que dúas das listas que tamén participan nestas eleccións están dirixidas por dúas persoas que gobernaron no noso Concello nos últimos 16 anos e noutro caso con outra cara pero cun proxecto detrás que tamén gobernou en Foz cos resultados que todos coñecemos.
Para o BNG o importante non son tanto as persoas senón as políticas que as avalan e durante a pasada lexislatura, o BNG foi o único que defendeu o carácter público dos servizos municipais como a xestión da piscina, a xestión da auga ou o servizo de axuda no fogar. Conseguiu a eliminación das taxas de exame para parados e paradas, a construcción da Galescola, a gasificación do concello, a conxelación das taxas municipais, a participación veciñal no Plan Xeral ou a ampliación do polígono industrial. Pulou por un regulamento de participación cidadá, por unhas bases de contratación iguais para todos ou polo mantemento das ensinanzas de adultos.
As prioridades principais do BNG no goberno municipal para esta lexislatura van ser a creación de emprego e a construcción da Residencia e do Centro de Día. Ao mesmo tempo, un cambio na forma de gobernar, buscando a unión de todos os grupos para conseguir cousas positivas para Foz e deixando de lado polémicas baldeiras como ás que asistimos atónitos todos os días nos medios. “O que lle sobra a Foz é o enfrontamento de políticos que só buscan o protagonismo persoal e o que realmente lle fai falta son políticas activas que redunden no benestar dos veciños” segundo o BNG.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
