Nota de prensa
COA TÚA FORZA HAI FUTURO
No concello de Ribadeo
O concello de Ribadeo xa sabe do bo facer das xentes do BNG. Os nosos representantes: Horacio CUPEIRO, Vicente CASTRO, Mari Luz ÁLVAREZ LASTRA e o alcalde Fernando SUÁREZ BARCIA, estiveron sempre dispostos a escoitar a todos os veciños e veciñas, a falar con quen for preciso con tal de acadar inversións e benestar para Ribadeo, e a traballar arreo para sacar adiante os nosos proxectos.
Hai uns días presentamos o noso novo equipo ante a sociedade ribadense. Trátase dunha serie de persoas, homes e mulleres por igual, que representan o Ribadeo máis dinámico. Tanto o espírito emprendedor necesario para superar a crise, como a sensibilidade para afrontar as políticas sociais, están presentes no noso novo equipo.
Queremos profundar no desenvolvemento económico ribadense potenciando a actividade en torno ao polígono industrial e apostando claramente pola colaboración co CCA e con ACISA (tal e como fixemos ata o de agora). Aquelas propostas que nos fagan chegar e supoñan a mellora e revitalización de Ribadeo como referente comercial contarán co noso apoio. O saneamento das contas municipais, xa ben encamiñado neste mandato que remata, permitiranos responder mellor ante os proveedores.
O BNG de Ribadeo comprométese a respectar o traballo feito ata o de agora en torno ao PXOM. A nosa postura sobre o mesmo non vai estar en función dos resultados do 22 de maio. É máis: a súa tramitación vai ser obxectivo prioritario no primeiro tramo do mandato. Proseguiremos coa humanización das nosas rúas e espazos públicos. Precisamente este novo aspecto da vila, xunto coa creación de novas sendas, fará máis atractivo aínda o noso concello como referente turístico. Ao respecto, faremos unha promoción integral dos valores paisaxísticos do concello integrando a Praia das Catedrais coas sendas xa deseñadas e as de nova creación, tanto pola costa como polo interior.
Ese Ribadeo máis humano ten que prestar unha especial atención ás políticas sociais. O Centro de día para enfermos de alzheimer será de inescusábel execución. Poñeremos todo o noso empeño en sacar adiante unha residencia para a terceira idade. Así mesmo, a escola infantil non poderá agardar máis: esixiremos e conseguiremos a súa inmediata construción. Outro tanto hai que dicir do albergue de peregrinos. Reforzaremos as políticas de igualdade.
Tamén desde o ámbito da cultura e do deporte imos centrar os nosos esforzos en facer de Ribadeo un punto de encontro. Ademais de concibir a cultura como un valor en si mesmo pretendemos desenvolvela como motor de dinamización económica. Poñeremos en marcha novas iniciativas (como feiras do libro, concursos literarios, encontros con escritores, músicos, etc.). A Escola Municipal de Música e Danza seguirá a contar co noso apoio decido. Continuaremos coa nosa aposta polo teatro, a música e a danza formando parte dos distintos circuítos culturais xa establecidos. Seguiremos apoiando ao asociacionismo de base con locais para reunións, ensaio, etc. Estas actividades vanse facer tamén nas parroquias.
Desde o mundo do deporte manteremos a nosa aposta polo deporte de base a través das Escolas Deportivas Municipais. Prestaremos atención a novas iniciativas deportivas (que foron nacendo estes últimos tempos) coa mellora e creación de novas infraestruturas. Fomentaremos a realización de encontros deportivos a nivel galego e tamén convidando a outras comunidades (nomeadamente os nosos veciños asturianos).
É o momento das propostas, pero tamén é o momento do realismo. Hai que ser serios. O que propoñemos é realizable. Para sacar adiante estas ideas só fan falta ganas, capacidade de traballo e vontade política. A xente do BNG xa ten demostrado ao longo destes anos tales cualidades. Agora, necesitamos ser máis para poder traballar mellor por Ribadeo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
