Nota de prensa
O BNG NON SE FÍA DO PP E RECLAMA SABER SI NA FUTURA RESIDENCIA SE RESERVARÁN PRAZAS PARA RESIDENTES NO CONCELLO
As palabras como as goletas lévaas o vento e o BNG quere respostas por escrito sobre o modelo de xestión da futura residencia
Os nacionalistas insisten en que si o PP quere facer campaña política que o pague do seu peto e non das arcas municipais
Cervo, 1 de abril de 2011. O BNG de Cervo insiste en que o goberno municipal e a Xunta teñen que explicar cal vai ser o modelo de xestión da futura residencia e si vai haber reservas de prazas para os residentes do municipio. Para os nacionalistas o PP non e de fiar e como as goletas, as palabras lévaas o vento polo que requiren respostas por escrito tanto do goberno local como da Consellaría de Benestar. Ao mesmo tempo piden que o goberno municipal cumpra co seu deber de informar á oposición nos prazos que marca a lexislación e digan canto custou ás arcas municipais a elaboración, impresión e envío do panfleto remitido a todas as vivendas de Cervo porqué o diñeiro que e de todos non está para tiralo en edicións de luxo xa que para informar xa están os medios de comunicación e os bandos da alcaldía que son moito mais baratos.
O BNG non se fía do PP e reclama respostas por escrito porqué as palabras como as goletas lévaas o vento.
Os nacionalistas cervenses reclaman respostas por escrito para coñecer si a xestión da futura residencia vai ser pública ou privada e si existe algunha previsión de reservas de prazas para residentes do municipio polo que presentan iniciativas tanto no Parlamento como no concello para ter unha resposta oficial sobre estas dúas cuestións. “O que ten que facer a Sra. Armada e contestar na parte que lle corresponde e facelo nos prazos que fixa a lei”, demandou o portavoz municipal nacionalista, Xoán Estúa, quen ademais “ve lóxicas estas explicacións” xa que co PP de Cervo “as palabras como as goletas, lévaas o vento e despois so queda lamentarse polo que puido ser e non foi”, en referencia á construción dunha goleta en San Cibrao longamente anunciada e finalmente paralizada. O nacionalista aclara que “de non haber unha xestión pública e reserva de prazas para os residentes do municipio, o investimento pode non servir aos intereses dos veciños que puxeron o solo para a súa construción.”
Para informar están os medios de comunicación e os bandos da alcaldía, non os panfletos de luxo en época preelectoral.
Os nacionalistas reclaman que o goberno local informe, “como e a súa obriga”, sobre o custo dun panfleto con membrete do Concello de Cervo, remitido a tódalas vivendas do concello onde se anuncia a construción da residencia de terceira idade e outra infraestrutura social promovida pola Asociación de Axuda ao Enfermo Mental da Mariña. O BNG suxírelle ao goberno local “o uso dos medios de comunicación e os bandos da alcaldía para informar, que son bastante mais baratos que as edicións de luxo a toda cor e con profusión de fotografías e planos curtos de membros do PP.”
Non e unha novidade que o PP de Cervo confunda a Casa do Concello coa sede do Partido Popular e utilice persoal municipal, medios materiais e económicos ao servizo do partido, denunciou Estúa. En calquera caso “os veciños teñen dereito a saber canto lles costa o deseño, edición e envío deste panfleto” dixo Estúa, quen engadiu ao contrario do que manifesta a edil de Benestar de Cervo, Pilar Armada, “o panfleto nin e pequeno nin e austero, e material de luxo para promoción única e exclusiva do PP en período preelectoral”. Concluíu o nacionalista.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
