Nota de prensa
Táboas para o Ribadeo FSF-CD Riazor (0-0)
O Panificadora del Eo-Ribadeo FSF asinou unha igualada na visita do CD Riazor (0-0). Con esta, as mariñás xa suman catro xornadas consecutivas sen coñecer a derrota, aínda que nesta ocasión non puideron pasar do empate sen goles.
Nun partido de grande intensidade entre dous equipos que se coñecen á perfección, as accións atacantes non puideron coas defensivas, con grandes intervencións das tres porteiras participantes, María polo Riazor e Carla e Vanessa polo Panificadora.
As ribadenses, cunha defensa moi intensa en campo contrario, fóronse facendo co control do partido aos poucos. Xa na primeira metade, Eva, soa diante da porteira visitante, desaproveitou unha clara oportunidade tras recibir un bo pase de Fátima. Nuria tamén torpedeou con perigo a meta coruñesa en varias ocasións.
Na segunda metade, o Riazor chegou esporadicamente á portería defendida por Vanessa. As ribadenses puideron adiantarse ao estrelar María un balón na cruceta e nos últimos momentos tamén contou con outra boa ocasión que saíu fóra por pouco. A ausencia de Marta nas filas mariñás, por causas familiares, puido ser determinante para romper a férrea defensa visitante.
O Panificadora visitará a próxima xornada ao difícil Bembrive, 5º clasificado con 43 puntos e que na pasada xornada derrotou a domicilio ao Cidade das Burgas (1-5).
Provincial feminina. O Xoula asegura o terceiro posto ao vencer o pasado venres en Ribadeo por 2-0 o FS Pastoriza en partido aprazado. O vindeiro sábado (18.30 horas) enfrontarase a domicilio ao Concello de Friol, primeiro clasificado, que non coñece a derrota.
Provincial masculina. O Ribadeo FS perdeu na Pontenova (2-1) e dá un paso atrás nas opcións de loita polo ascenso. O vindeiro sábado recibirá o Baralla.
Ficha técnica
Panificadora del Eo-Ribadeo FS: Carla, Nuria, Eva, María e Fátima, cinco inicial; tamén xogaron Iria, Sabela, Arancha, Toñi e Vanessa.
CD Riazor FS: María, Alba, Sara, Paula e Elena, cinco inicial; tamén xogaron Viki, Aisna, Yesica e Nuria.
Árbitros: Andrés Saa Ramos e Antón Menéndez Nistal. Mostraron cartóns amarelos a María e Fátima polas locais e a Paula e Elena polas visitantes.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
