Nota de prensa
Aberto o prazo para solicitar as 30 bolsas de emprego que oferta a Deputación no campo da innovación
– As persoas interesadas deben descargar o formulario na páxina web www.deputacionlugo.org e presentar antes do 12 de abril a documentación no Rexistro da sede do organismo provincial
– Poden demandalas titulados lucenses no paro e ofrecen 6 meses de traballo remunerado facendo traballos tecnolóxicos nunha entidade sen ánimo de lucro
O prazo de inscrición nas 30 bolsas de emprego que ofrece por vez primeira a Deputación de Lugo no campo da innovación abriuse este domingo e finalizará o próximo 12 de abril. Esta iniciativa, promovida polo organismo provincial a través do Centro de Innovación Social In Lugo -pioneiro en Galicia- está dirixida a titulados lucenses desempregados e oferta 6 meses de emprego, remunerado con 800 euros mensuais, en entidades sen ánimo de lucro que desexan desenvolver novos proxectos tecnolóxicos para potenciar a súa actividade. Deste xeito, ó tempo que se dá traballo a persoas que actualmente se atopan en paro, os colectivos participantes contarán, sen custe algún, cun novo servizo. Os interesados en optar a estas becas deben descargar o correspondente formulario de inscrición na páxina web www.deputacionlugo.org e presentar a documentación no Rexistro Xeral da Deputación antes do 12 de abril.
A lista provisional de admitidos publicarase o 15 deste mes e a definitiva, o día 20. Seguidamente, o día 25, terán lugar as entrevistas de selección e o 28 farase pública a lista de persoas beneficiarias das 30 bolsas, que comezarán a traballar o día 2 de maio.
Os requisitos que deben cumprir os interesados son os seguintes: estar empadroado nalgún dos concellos de Lugo; estar licenciado, diplomado ou posuír Formación Profesional relacionada coas actividades a desenvolver; ademais de estar en paro, e non gozar doutra beca ou axuda neste momento. En calquera caso, as bases da convocatoria pódense consultar na web da Deputación.
Para a elección dos beneficiados, avaliarase o expediente académico, a experiencia profesional e a memoria do proxecto a desenvolver. Esta parte puntuarase cun máximo de 7 puntos. A entrevista persoal, que se realizará posteriormente, contará un máximo de 3 puntos.
Entidades participantes
As entidades nas que desenvolverán o traballo son:
– Centro Tecnolóxico Agroalimentario de Lugo (CETAL): o proxecto a desenvolver neste colectivo consiste na identificación das necesidades tecnolóxicas e de produtos innovadores no sector agroalimentario da provincia, ademais da transferencia desta información ós traballadores neste campo.
– Asociacións de Jóvenes Empresarios (AJE), de Empresarias de Lugo e Empresarial de Industria de Transformación do Polígono do CEAO: formación especializada ós empresarios para coñecer as necesidades das entidades en materia de innovación e facilitar o cambio de cultura nos procesos empresariais.
-Universidades de Santiago de Compostela. Aula TIC: elaboración dunha guía de boas prácticas no emprego da Administración Electrónica dirixida ós cidadáns e ás entidades sen ánimo de lucro.
-Universidade da Coruña. CITIC: creación de produtos e servizos informáticos dirixidos á empresa.
As primeiras bolsas de emprego no sector da innovación da provincia súmanse ás becas medioambientais de Lug02, das que xa se benefician 18 mozos lucenses, e as 5 primeiras bolsas de artesanía e deseño de Lugo, dotadas con 12.000 euros cada unha e que se resolverán nos vindeiros días.
As axudas convocadas a través de In Lugo responden ós obxectivos deste centro, promovido pola Deputación e cofinanciado polo Ministerio de Industria nun 88,9% mediante o Plan Avanza, consistentes en fomentar o aprendizaxe, o intercambio de experiencias, a especialización profesional, o aumento das posibilidades de inserción laboral e o desenvolvemento das iniciativas innovadoras, así como favorecer a incorporación das novas tecnoloxías nas empresas.
O Centro de Innovación Social tamén busca achegar as TIC á sociedade lucense, sobre todo ós colectivos máis desfavorecidos, e fomentar o envellecemento activo. Para elo, ademais destas bolsas, estanse a celebrar diversas actividades totalmente gratuítas e dirixidas a todos os públicos, como obradoiros, cursos e seminarios, tanto nas súas instalacións, como polo resto da provincia ó contar con equipos itinerantes.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
