Nota de prensa
O CONCELLO DE CERVO CUALIFICOU DE “ROTUNDO ÉXITO” A VIII EDICIÓN DO ENCONTRO DE PALILLEIRAS CELEBRADO O SÁBADO EN SAN CIPRIÁN
Cervo, 4 de marzo de 2011.- A concelleira de Asuntos Sociais, Pilar Armada, cualificou de “éxito rotundo” a celebración da VIII edición do Encontro de Palilleiras que tivo lugar o pasado sábado na vila de San Ciprián.
Segundo Armada, a resposta da xente durante toda a xornada foi moi positiva, tanto na participación do número de palilleiras como na afluencia de público que visitou ó longo de toda a xornada o pavillón municipal da Veiga e a carpa anexa ó pavillón.
Máis de 1.500 persoas presenciando o desfile
A concelleira de Asuntos Sociais salientou de xeito especial o gran éxito acadado polo desfile de moda celebrado por vez primeira este ano e que estaba adicado ás fibras naturais como o liño e o encaixe. “Segundo as nosas informacións esta é a primeira vez que ten lugar un desfile deste tipo na comarca e o certo é que a resposta do público non puido ser mellor” indicou Armada. Segundo os organizadores, máis de 1.500 persoas presenciaron en directo este desfile. “As gradas estaban cheas e os pasillos tamén; ademais da propia pista do pavillón, onde estaban as 700 palilleiras que participaban no encontro” dixo a concelleira cervense.
A responsable municipal cervense avanzou tamén que dado o grande éxito acadado polo desfile de modas a organización ten previsto celebrar novamente un novo desfile na vindeira edición do Encontro do ano 2012.
Procedencia de diversos puntos
Armada tamén quixo destacar o grande número de persoas que aproveitou esta xornada para desprazarse ata o Concello de Cervo para visitalo. “Veu xente de moitas comarcas de Galicia, de Asturias e tamén de León que veu coa súa familia para coñecer o noso concello e isto notouse fundamentalmente no sector da hostalería, xa que o sábado todos os bares de San Ciprián e tamén doutros núcleos do Concello estiveron cheos de visitantes, o cal é tamén moi positivo para a economía do noso municipio” recalcou.
Agradecementos
Por último a edil cervense quixo agradecer a colaboración de todas as persoas e entidades participantes na organización deste Encontro de Palilleiras. “Esta edición non podería ter acadado este éxito sen o traballo de todos, en especial das profesoras Mª Luz Méndez e Modesta Lombardero; así como dos integrantes da Asociación A Sombriza e tamén da brigada de traballadores municipais” indicou.
O VII Encontro de Palilleiras de San Ciprián foi organizado por:
Delegación de Asuntos Sociais e Igualdade do Concello de Cervo
Profesoras de encaixe de Bolillos
Mª Luz Méndez
Modesta Lombardero
Asociación Cultural A Sombriza.
Baixo o patrocinio de:
Concello de Cervo
Xunta de Galicia
Fundación Centro Galego da Artesanía e do Deseño
E coa colaboración de:
Excmo. Concello de Xove
Fábrica de Cerámica de Sargadelos
Cerámicas Gudín.
Grupo Folclórico Airiños do Xunco.
Eladio Bello máquinas de coser.
Restaurantes e Hostalería do Concello de Cervo.
Mercería e Decoración Ajuar.
Cesáreo Eijo Canoura Pulpería e Multicarpas.
Distribucións Carreiras.
Mercería Paca.
Confitería María.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
