Nota de prensa
O III Certame de Intérpretes Mozos Hernán Naval
celebrarase en Ribadeo os días 4 e 5 de xuño
• Xa están abertas até o 21 de maio as inscricións
• Este ano engádense as especialidades de gaita e canto
• A terceira edición do certame coincide co décimo cabodano do
pasamento de Hernán Naval.
Ribadeo, abril de 2011. A Asociación Cultural Musiqueando, en colaboración coa
Delegación de Cultura do Excmo. Concello de Ribadeo, coa Vicepresidencia Primeira-
Cultura da Deputación Provincial de Lugo, coa Asoc. Amadores da Música e máis coa
Escola Municipal de Música e Danza (EMMeD) de Ribadeo, pon en marcha a III edición
do Certame de Intérpretes Mozos Hernán Naval. Este evento celebrarase os vindeiros
días 4 e 5 de xuño de 2011.
Ao igual cá nas edicións anteriores estabelécense dúas categorías de participación:
estudantes que cursen ou xa rematasen grao profesional así como estudantes que
cursen ou xa rematasen grao superior. As persoas que decidan participar deben ter
nacido entre os anos 1986 e 1999.
As especialidades instrumentais nas que se pode concorrer son: vento-madeira (oboe,
clarinete, saxofón, frauta e fagote), vento-metal (trompeta, trombón, trompa,
fliscorno, bombardino ou tuba), corda (violoncello, violín, viola, contrabaixo ou
guitarra), teclados (piano, órgano ou acordeón), percusión e as dúas novidades deste
ano, as especialidades de canto e máis gaita. Suso López, membro de Musiqueando
sinalou que a inclusión destas dúas modalidades, novidade nesta edición, faise porque
son “especialidades con alta demanda nestes momentos nos centros de ensino musical
de Galicia co cal abrimos máis o espectro de participación”.
As bases do certame permiten un máximo de dez participantes en cada unha das dúas
modalidades, profesional e superior, que serán aceptados seguindo a orde de
inscrición, cuxo prazo remata o vindeiro 21 de maio.
Neste III Certame de Intérpretes Mozos Hernán Naval repartiranse 1500 euros en
premios. Na categoría profesional estabelécense un primeiro premio de 400 euros e
un segundo de 200; no caso da categoría superior haberá un primeiro premio de 600
euros e un segundo de 300.
O día 4 de xuño celebrarase a fase preliminar e o día 5 a fase final.
Suso López amosou a súa “gratitude con todas aquelas persoas e institucións que fan
posíbel que o Certame Hernán Naval, na súa terceira edición, se vaia consolidando
como un espazo musical de referencia non só na Mariña, tamén en Galicia enteira”.
“Para nós este é un ano moi especial pois coincide a celebración do certame co décimo
cabodano do pasamento de Hernán. Gustaríanos que durante todo o ano, non só no
mes de maio cando se cumpre a data exacta na que finou, o espírito, o nome, o
discurso e máis a filosofía de Hernán estivese ben presente”, sinalou Suso López. Por
elo a Asociación Cultural Musiqueando quere facer un esforzo de difusión do Certame
co obxectivo de espallar o nome de Hernán por Galicia enteira e máis no Occidente de
Asturias e deste xeito facer de Ribadeo un escaparate para mozas e mozos que queren
dar a coñecer o seu quefacer no eido musical.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
