Nota de prensa
Debate no Parlamento
APROBADA UNHA INICIATIVA SOCIALISTA PARA IMPLANTAR UN SERVIZO DE TRANSPORTE PÚBLICO NA MARIÑA LUCENSE
-O deputado do PSdeG-PSOE Ismael Rego valorou positivamente este acordo e emprazou á Xunta “a que no menor tempo posible poña en marcha tódolos mecanismos precisos para que a Mariña de Lugo poida contar con transporte publico”
Santiago, 7 de abril de 2011. O deputado do Grupo Parlamentario do PSdeG-PSOE Ismael Rego interveu hoxe na Comisión 2º do Parlamento para defender unha iniciativa na que reclamou que á Xunta realice un estudio sobre a viabilidade de implantar un servizo de transporte público de viaxeiros comarcal, en colaboración cos concellos da Mariña luguesa, que responda ás demandas e ás necesidades da zona. A iniciativa que foi transacionada, foi aprobada por unanimidade.
O deputado do PSdeG-PSOE Ismael Rego valorou positivamente este acordo e emprazou á Xunta “a que no menor tempo posible poña en marcha tódolos mecanismos precisos para que a Mariña de Lugo poida contar con transporte publico”
Rego sinalou , na súa intervención, que na que a franxa costeira da provincia de Lugo foi capaz de xerar unha dinámica de desenvolvemento económico e social, ata o punto de converterse nunha das zonas máis activas e de maior crecemento da provincia de Lugo. Relata que esta situación supuxo a consolidación e a ampliación de asentamentos urbanos nos que están radicados a maioría dos cidadáns e dos servizos, especialmente aqueles que teñen un carácter comarcal ou provincial como é o caso dos de Viveiro, Burela, Foz, Ribadeo e Mondoñedo, que xunto co resto dos concellos da comarca conforman unha realidade territorial cuasi urbana, que se consolida como unha cidade lineal na que viven e traballan cerca de 75.000 persoas.
O deputado socialista advirte que a nova realidade que supón este asentamento poboacional industrial e de servizos, fai que a mobilidade sexa un feito de máxima importancia e relevancia neste ámbito territorial de máis de 60 km.
Explica ademais que a situación actual está a xerar unha forte demanda sobre a necesidade de crear un servizo público axeitado de transporte comarcal de viaxeiros, que previo estudio das necesidades das zonas e da poboación afectada, debería adoptar un número de frecuencias e paradas que facilitasen a mobilidade comarcal dos cidadáns.
Afirma que a comarca conta ademais con vantaxes e posibilidades importantes, como poder compatibilizar o transporte público de viaxeiros por estrada co de ferrocarril a través da posibilidade que ofrece FEVE, igual que noutras zonas da cornixa cantábrica, nas que conta cun axeitado servizo de cercanías, e non parece razoable que non se poida facer na zona en cuestión, adaptando horarios e infraestructuras á realidade social e económica pola que transcorren as súas vías.
TEXTO APROBADO POR UNANIMIDADE NA COMISIÓN 2º DO PARLAMENTO
O Parlamento insta á Xunta de Galicia a que, en paralelo cos avances da implantación do transporte metropolitano de Galicia, no conxunto das sete grandes cidades galegas, proceda a estudar a viabilidade da implantación de servicios de transporte públicos comarcais, en colaboración cos concellos, e que inclúa de forma prioritaria a area da Mariña Luguesa, compatibilizando o transporte de viaxeiros por estrada e ferrocarril e potenciando de xeito especial este último.
Instalacións portuarias de Foz
Na citada comisiono tamén se debateu unha iniciativa sobre o plan estratéxico de reorganización integral das instalacións portuarias de Foz. Rego reclamou, mediante unha emenda, que se desenvolva en colaboración do Concello de Foz e a Dirección Xeral de Sostibilidade, un plan para a reorganización integral das instalacións portuarias focenses, no que se contemplen novos usos de interese social e económico que compatibilicen a histórica actividade pesqueira do porto, a estación marítima náutica, espazos verdes para acoller un centro de ocio, a Casa da Música e un aparcamento soterrado.
Nesa emenda o deputado mariñao solicitou tamén que se inclúa unha partida nos orzamentos do ano 2012 e programación orzamentaria para a execución do conxunto do plan ao longo dos vindeiros dous anos. Ismael Rego lamentou que o Partido Popular rexeitase esta emenda, e non puidera chegarse a un consenso sobre este asunto “debido a intransixencia do voceiro do PP”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
