CERVO.- O equipo de goberno do concello de cervo considera falta de seriedade dos concelleiros do PSOE porque primeiro solicitan un pleno extraordinario para tratar obras a incluír no Fondo Estatal e despois non asisten á comisión informativa para preparar o Pleno.
NOTA DE PRENSA
O Equipo de Goberno salienta a falta de seriedade dos integrantes do Grupo Socialista e a pouca dedicación de cada un destes concelleiros aos asuntos de interese municipal: “Primeiro solicitan un pleno e despois esquecen presentarse á comisión informativa que ten por obxecto preparalo.”
NINGÚN EDIL DO PSOE ACUDE Á COMISIÓN INFORMATIVA QUE TIÑA POR OBXECTO PERFILAR OS ASUNTOS A TRATAR NA SESIÓN PLENARIA QUE O PROPIO GRUPO SOCIALISTA SOLICITOU
* A devandita xuntanza celebrouse ás 11 horas e rematou 20 minutos despois coa única presenza do Alcalde, en representación do equipo de Goberno, e do edil do BNG.
* A Comisión informativa de asuntos do pleno foi convocada formalmente o mércores 17 de decembro é á mesma podían acudir cada un dos catro edís do PSOE en Cervo.
* Non foi ata finalizada a comisión cando a voceira dos socialistas chamou para dar conta da máis que evidente ausencia do seu grupo. Co plantón os socialistas esquecen tamén presentar a súa proposta ao pleno por escrito, en tempo e en forma.
* A sesión plenaria na que está previsto perfilar as obras e actuacións que se desenvolverán con cargo ao fondo estatal de axuda extraordinaria ás entidades locais terá lugar o venres 26 de decembro.
Cervo, 22 de decembro de 2008.- Ningún dos catro edís do PSOE de Cervo se presentou no día de hoxe á comisión informativa de asuntos do pleno que deu inicio ás 11.00 horas desta mañá co obxecto de perfilar a orde do día da vindeira sesión plenaria da corporación municipal. A mesma rematou 20 minutos despois coa presenza do Alcalde de Cervo, en representación do Equipo de Goberno, e o único edil do grupo nacionalista, do BNG. A ausencia dos concelleiros socialistas é aínda máis sorprendente tendo en conta que foi o seu propio grupo municipal quen, en virtude da potestade que a lei lles outorga aos partidos da oposición, solicitou a convocatoria extraordinaria do pleno municipal.
En opinión do Grupo de Goberno municipal a ausencia dos representantes socialistas na comisión celebrada esta mañá ofrece unha imaxe moi explícita “da falta de seriedade destes señores e da pouca dedicación que cada un deles ten respecto dos asuntos relativos ao municipio. “Está claro que os intereses dos veciños de Cervo non son para eles prioritarios”
A DESPREOCUPACIÓN DO PSOE EN EVIDENCIA
No seu momento foi o propio PSOE o que solicitou un pleno extraordinario coa idea de tratar de consensuar as obras que se levarán a cabo con cargo ao fondo estatal. Con este obxecto celebrábase esta mañá a comisión informativa correspondente, convocada en tempo e forma -desde o mércores 17 de decembro-pero ningún dos catro edís socialistas se dignou en aparecer.
Segundo o Goberno municipal o hoxe acontecido deixa máis que claro que a solicitude dunha convocatoria extraordinaria do pleno municipal non foi máis que un intento de facer propaganda barata do PSOE pero que, na realidade, ningún dos edís socialistas tiñan a mínima preocupación por estes temas que si son de gran interese para o conxunto dos veciños, e para o propio Goberno cervense. Coa súa ausencia ademais, os integrantes do grupo municipal socialista esquecen presentar a súa proposta para o pleno, cousa que deberan ter feito por escrito, en tempo e forma.
NON COMUNICARON A SÚA AUSENCIA
A todo isto debemos engadir que, segundo fontes do Executivo municipal ningún dos edís socialistas xustificaron a súa ausencia, ou comunicaron o seu retraso como é habitual no caso de que se produzan este tipo de incidencias. Non foi ata concluída a comisión informativa cando chamou a portavoz dos socialistas para indicar que non poderían acudir a tempo, algo que xa quedou explícito despois da ausencia na comisión informativa.
SESIÓN PLENARIA O VENRES 26
Para o Goberno municipal resulta de gran importancia perfilar de xeito definitivo a relación de obras e outras actuacións que teñen previsto levarse a cabo con cargo ao fondo estatal de axudas extraordinarias para as entidades locais. Nesta liña o rexedor municipal, Alfonso Villares, vén mantendo contactos nas últimas semanas cos distintos alcaldes pedáneos e outros membros do Goberno municipal.
A comisión informativa de hoxe acordou que será o próximo venres 26 de decembro a data na que terá lugar a devandita sesión plenaria. Desde o Goberno municipal esperan que, esta vez si, os edís do PSOE sexan quen de estar á altura das súas responsabilidades para cos veciños de Cervo e cumpran coas súas obrigas, acudindo ás sesión plenarias e ás xuntanzas ás que son convocados.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
