Nota de prensa
Román Rodríguez cualifica de “fobia cara os veciños” a posición do PSOE, que “primeiro xera un problema paralizando a actividade construtiva e despois se opón á solución”
O GRUPO POPULAR DEFENDE A SOLUCIÓN URBANÍSTICA DA XUNTA PARA BARREIROS E LAMENTA A INCOHERENCIA DOS SOCIALISTAS, QUE CRITICAN UN CONVENIO QUE APROBARON A NIVEL LOCAL
A alternativa plantexada polo Goberno galego “está consensuada coa Deputación e o Concello e vai posibilitar regularizar a situación desde o punto de vista urbanístico e á marxe do ámbito xudicial”.
Santiago, 12 de abril de 2011.- O Grupo Popular defendeu hoxe no Pleno do Parlamento, no debate dunha iniciativa do PSdeG, a solución urbanística plantexada pola Xunta para Barreiros e lamentou a incoherencia dos socialistas, que critican en Santiago un convenio promovido pola Administración autonómica e asinado pola Deputación de Lugo que ese partido aprobou a nivel local.
“Dá a sensación de que a Ismael Rego o escoitan pouco na Mariña e en Lugo, pois o que din nos diferentes ámbitos non se parece nada”, afirmou o viceportavoz do Grupo Popular, Román Rodríguez. O deputado popular cualificou de “fobia cara os veciños” a posición do PSOE, que “primeiro xera un problema paralizando a actividade construtiva e despois se opón á solución”.
O PLANTEXAMENTO TÉCNICO MÁIS INTELIXENTE
Rodríguez salientou que a solución da Xunta, a través do Plan Sectorial de Incidencia Supramunicipal, “é o plantexamento técnico máis intelixente, pois posibilitará o remate das obras iniciadas e completar a estrutura territorial do concello”, o que beneficiará “tanto aos compradores de vivendas coma ao conxunto do municipio, ao permitir rematar obras que quedaron a medio facer pola decisión de paralización do Bipartito”.
Así mesmo, destacou que a alternativa plantexada polo Goberno galego “está consensuada coa Deputación e o Concello e vai posibilitar regularizar a situación desde o punto de vista urbanístico e á marxe do ámbito xudicial”. Unha situación “caótica”, derivada “da paralización sectaria feita polos socialistas durante o Bipartito”. Rodríguez insistiu en que o sectarismo do PSOE ponse en evidencia “no tocante a Barreiros, ao tratar de xeito diferente procesos semellantes acaecidos noutros concellos da Mariña”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).