Nota de prensa
A Deputación facilita ós lucenses maiores de 50 anos tratamentos termais
– Besteiro e Buján presentaron “Saúde e Benestar no Camiño de Santiago”, o programa que subvenciona servizos en balnearios e casas rurais, situadas nas rutas Xacobeas da provincia
– A Deputación ofrece, dende agosto e ata decembro, descontos de 34 euros por persoa nos balnearios de Lugo, Guitiriz, Palas de Rei e Pantón, e nas casas rurais da zona
– En xuño, todos os interesados poderán solicitar unha praza mediante Internet, na web www.deputacionlugo.org, ou de xeito presencial no rexistro do Pazo de San Marcos
O Presidente da Deputación, José Ramón Gómez Besteiro, e a Vicepresidenta Terceira, María Xosé Veiga Buján, presentaron este xoves o programa “Saúde e Benestar no Camiño de Santiago”. Trátase dunha iniciativa que, tal e como indica o seu nome, combina saúde, benestar e turismo. Está dirixida a veciños da provincia maiores de 50 anos, ós que lles facilita o acceso ós tratamentos termais que ofrece a provincia, como unha alternativa de saúde que mellore a súa calidade de vida, potenciando o turismo interior. Para elo, o organismo provincial subvenciona un total de 1.750 prazas nos 4 balnearios lucenses situados en Pantón, Palas de Rei, Guitiriz e na capital lucense, así como nas 50 casas rurais máis próximas a estes establecementos, é dicir, as afincadas na Ulloa, Terras do Miño e Ribeira Sacra.
Gómez Besteiro salientou que “unha das principais conclusións ás que chegamos no Congreso de Turismo que celebremos na Deputación, é que hai vida despois do Xacobeo. Por iso impulsamos unha iniciativa que aposta pola saúde e o benestar para reactivar a economía. Este programa está vinculado ó turismo, ós Camiños de Santiago que atravesan a provincia, e ó sector hoteleiro. É unha alianza porque se ó sector privado lle vai ben, a nós tamén”.
Na presentación da programación estivo, ademais do Presidente e da Vicepresidenta Terceira da Deputación, o membro do Consello Reitor do Inludes, Manuel Dacosta, e o Subdirector Xeral da cadena OCA Hoteles, Arturo Rodríguez, quen salientou que a iniciativa da Deputación “estimula o benestar social mediante os tratamentos termais, apoia as infraestruturas hoteleiras, ó tempo que impulsa un sector como o turismo, que representa o 40% da riqueza do país”.
Descontos por persoa
O programa “Saúde e Benestar no Camiño de Santiago” ofrece, dende agosto e ata decembro, descontos de 34 euros por persoa nos seguintes paquetes:
– 6 días con 5 noites de estancia
– 5 pensións completas con comidas e ceas incluídas
– día de entrada domingo: cea e aloxamento
– día de saída venres: almorzo e xantar
– 2 técnicas de balneario durante 4 días
– 1 recoñecemento médico
– de luns a xoves: programa de animación sociocultural
As 1.750 prazas do programa distribúense da seguinte maneira, en función das posibilidades expostas por cada centro: Balneario de Lugo Termas Romanas, 50 prazas; Balneario Oca Río Pambre, 100 prazas; Guitiriz Hotel Balneario & Golf Club, 450 prazas; Oca Augas Santa Balneario Golf Resort, 750 prazas; Casas de Turismo Rural na Ulloa, Terras do Miño e Ribeira Sacra, 400 prazas.
No mes de xuño, o organismo provincial abrirá o prazo de solicitude para que todos veciños maiores de 50 anos poidan solicitar unha das 1.750 prazas mediante a páxina web do organismo provincial, www.deputacionlugo.org, ou de forma presencial no rexistro do Pazo de San Marcos.
Riqueza termal da provincia
A provincia lucense conta con 4 balnearios situados a pé dos Camiños Primitivo, Francés e de Inverno que, segundo datos dos propios establecementos, reciben ó ano 120.000 persoas, xerando un volume de negocio de 7 millóns de euros. A maiores, ó situarse en zonas rurais, os balnearios contribúen ó asentamento poboacional. As mesmas fontes indican, que estas instalacións xeran máis de 200 postos de emprego directos na provincia. Na tempada alta, que transcorre dende marzo a setembro, esta cifra ascende ós 300. Deste xeito, con esta iniciativa, que conta cun presuposto de 60.000 euros, a Deputación contribúe a manter centos de traballos na provincia.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
