Nota de prensa:
Viveiro reafírmase como capital do hardcore cun festival no que tocarán bandas da localidade, Italia e Portugal
– O Viveiro Hardcore Assault! celébrase esta noite no Casino da cidade mariñana, a partir das 22.00 horas. As entradas poderán comprarse dende media hora antes
– Actuarán os italianos “Daily Grind” e “Blasting Enema”, os portugueses “For Ophelias Death” e os vivarienses “New Reason”
– Esta iniciativa partiu de catro mozos da localidade e conta co apoio de Deputación e Concello
A primeira edición do festival Viveiro Hardcore Assault! celébrase esta noite, a partir das 22:00 horas, no Casino Club Náutico da cidade mariñana. Tocarán catro bandas: “Dailiy Grind” e “Blasting Enema”, de Italia; “For Ophelias Death”, de Portugal, e “New Reason”, os anfitrións, pois tres dos seus membros – Iago Salgueiro, Eric Gómez e Guille Vázquez- ocupáronse, xunto con Fabio Fernández, da organización do certame, co que Viveiro se reafirma como capital do hardcore. As entradas estarán á venda no propio Casino a un prezo de 5 euros a partir das 21.30 horas.
Esta nova iniciativa cultural conta co apoio da Deputación de Lugo e do alcalde viveirense, Melchor Roel, que apostan deste xeito por consolidar a localidade como referente en España da música alternativa. A proxección a nivel internacional que alcanzou o Resurrection Fest é a principal causante desa sona, pero tamén a afección da xuventude do entorno por esta corrente musical, que se traduce na existencia dun gran número de bandas de hardcore e punk.
O Casino Club Náutico colabora cedendo gratuitamente o local e diverso material técnico para os concertos, que gravará un equipo de alumnos e profesionais da Fundación TIC, dependente do organismo provincial.
Os organizadores tamén contaron coa colaboración dun bo número de establecementos hostaleiros e comerciais: Pizzería Pizzbur, La Family, Cervecería Vikinga Punto Galego, Sixties, Mesón A Fonte, Restaurante La Paz, Complejo Hotelero Las Sirenas, Pub Punto y Aparte, Bar Galeón, Parrillada Tomás, Bodegas Ribeirao, Pub Copas, Moda Jim, Quasar, Peluquería Lourdes Calvo, Panadería Novo e THC (que sorteará unha cesta con artigos de roupa entre os asistentes). As expectativas son boas e os promotores móstranse animados para darlle continuidade á idea.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
