Nota de prensa
O Pleno da Corporación cervense aprobou na sesión que tivo lugar na mañá de hoxe as contas da Facenda local
O GOBERNO MUNICIPAL CONTEMPLA UNS GASTOS PRÓXIMOS AOS 6 MILLÓNS DE EUROS NOS ORZAMENTOS DE 2011
As contas municipais do presente exercicio caracterízanse pola contención do gasto público, salvo nos servizos sociais, programas educativos, seguridade, cultura e limpeza
A porcentaxe de débeda viva nos once últimos anos reduciuse en 78 puntos porcentuais o que supón un avance substancial no saneamento das contas públicas municipais.
Cervo incrementa o investimento real en 830.000 euros, reducindo os gastos correntes nun 5,7 %
Cervo, 25 de abril de 2010.- No día de hoxe a corporación municipal de Cervo aprobou os orzamentos municipais correspondentes ao presente ano 2011. O Alcalde de Cervo, Alfonso Villares, explicou que o Goberno Municipal elaborou un orzamento nivelado por un importe de 5.900.694,77 euros.
MENOS GASTOS, INCREMENTO DA INVERSIÓN.
Os ingresos aumentan nun 8,27% con respecto ós do exercicio anterior, debido a que se engadiron as achegas autonómicas anuais para a execución das obras da Praza dos Campos e do Centro de Día-Residencia en San Ciprián, segundo o contemplado nos convenios asinados coa Xunta de Galicia.
Os gastos en bens correntes e de servizos diminuíron en 86.231,11 euros, o que representa unha baixada do 5,72% respecto da anualidade anterior, afondando na aplicación do plan de austeridade e racionalización do gasto superfluo. Con todo os orzamentos non recortan senón que aumentan a partida relativa a investimentos reais en máis de 830.809,02 Euros.
CONXELACIÓN DOS GASTOS DOS ÓRGANOS DE GOBERNO
As contas municipais non proceden á actualización desta partida, polo que as retribucións dos concelleiros, asistencias a plenos, etc… e retribucións do persoal quedan igual que no ano 2010. Non obstante, incrementase a aplicación orzamentaria destinada aos gastos de acción social; en concreto os gastos médicos do persoal municipal, pasando de 6.000 euros no exercicio 2010 a 9.000 euros no 2011.
Do análise polo miúdo dos orzamentos do 2010 dedúcese que o investimento centrarase en programas sociais, educativos e fomento do emprego, ademais de obras públicas, seguridade, protección civil, cultura, medio ambiente e limpeza. O Goberno municipal mantén as axudas destinadas as comisións organizadoras dos festexos nas distintas parroquias.
PLAN DE AUSTERIDADE
O Executivo que preside Alfonso Villares segue realizando un control do gasto, sen deixar de lado unha activa política inversora no mantemento dos servizos públicos de calidade e no relativo ao mantemento das políticas de gasto social. O primeiro edil explicou que o Goberno municipal continua cun plan de austeridade do gasto municipal neste exercicio económico co obxectivo de afrontar con “responsabilidade” a actual situación de crise, que está a afectar dun xeito evidente á situación de tesourería das administracións locais.
Con esta fórmula, o Goberno municipal pretende garantir a prestación de servizos de calidade para todos os veciños pero facelo dun xeito coherente coa actual situación económica. Todas elas baséanse no control do gasto público pero mantendo o esforzo orzamentario en materia de políticas sociais e de benestar e o investimento en servizos de promoción do deporte, da Cultura e dos servizos públicos (Escolas Deportivas Municipais, mantemento e melloras na piscina municipal, rede de telecentros, actividades culturais, servizos sociais e atención domiciliaria, …).
REDÚCESE O ENDEBEDAMENTO
Por outra banda, cabe salientar unha evolución positiva da débeda viva do Concello, isto é, da débeda bancaria desta administración pública que se reduciu nos dez últimos anos. Mentres que en 1999 este índice de endebedamento bancario en relación cos ingresos correntes era dun 160,32% a finais deste ano pasará a ser do 82,19%. O feito de que esta magnitude veña de reducirse en 78 puntos porcentuais, desde que accedeu á responsabilidade de Goberno municipal o PP, supón un avance substancial no saneamento das contas públicas municipais, sobre todo, tendo en conta o contexto de crise económica actual.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
