Nota de prensa
O programa Km0 da Deputación bate esta semana récord de participantes ó alcanzar o medio millar
– A cantidade de viaxeiros aumenta debido á participación na iniciativa dos 100 asistentes ó Congreso Europeo de Mercados de Gando que se celebrará en Castro
– Un grupo de alumnos do CEIP Otero Pedrayo de Rábade e outro da Asociación de Veciños Santa Eulalia de Román, en Vilalba, redescubriron este martes a Ribeira Sacra e A Montaña, respectivamente
O programa Km0 da Deputación de Lugo bate esta semana récord de participantes ó ter demandado rutas pola provincia medio millar de persoas. O número de viaxeiros aumenta con respecto a outras semanas debido á participación na iniciativa dos cen asistentes ó Congreso Europeo de Mercados de Gando que se celebrará en Castro Ribeiras de Lea e que reúne persoas chegadas dunha ducia de países da UE. De feito, o congreso arrancará o xoves cunha ruta de Km0 por viñedos e adegas da Ribeira Sacra.
As primeiras saídas desta última semana de abril tiveron lugar este martes pola zona sur da provincia e pola comarca da Montaña. Fixéronas un grupo de 48 alumnos do CEIP Otero Pedrayo de Rábade e outros 48 membros da Asociación de Veciños Santa Eulalia de Román, en Vilalba, respectivamente, que iniciaron a súa viaxe cunha recepción no salón de actos do Pazo de San Marcos a cargo do Deputado da Rede Viaria Provincial, Juan José Díaz Valiño. Despois, os rapaces de Rábade desprazáronse a San Martiño e cubriron un tramo dunha ruta de sendeirismo, repuxeron forzas no restaurante “Torre Novais” e visitaron o muíño de Bendilló e a capela da zona, o túnel de Montefurado e o museo etnográfico de Quiroga. Os veciños de Vilalba, pola súa banda, continuaron o seu percorrido no Mazo de Santa Comba, cunha comida no hostal “Piornedo” e cun paseo pola palloza e este pobo de Cervantes e pola igrexa de Donís.
Para o mércores está prevista unha saída a Ribadeo, demandada pola Asociación Amigos do Patrimonio de Castroverde e que consistirá nunha visita á olería de Bonxe, unha comida no restaurante ribadense “Marinero” e unha travesía en lancha pola ría. Os 55 participantes subirán despois no ascensor panorámico do porto de Porcillán e achegaranse ó convento das Clarisas e ó casco histórico da vila. Na mesma xornada tamén haberá outra viaxe pola Mariña, neste caso por Cervo, que solicitou a Asociación de Veciños de Xustás, no Concello de Cospeito. Comezará cunha visita dos 55 inscritos ó Centro de Artesanía e Deseño (CENTRAD) da Deputación e continuará cunha comida no restaurante cervense “O Almacén”, un percorrido pola fábrica actual de Sargadelos e polas ruínas da antiga, pola Casa da Administración e o Paseo dos Namorados. A terceira excursión prevista farana 48 solicitantes individuais e terá como destino a Ribeira Sacra. Inclúe unha ruta de sendeirismo por San Martiño, comida no restaurante “Torre Novais” e visitas ó muíño de Bendilló e á capela, ó túnel de Montefurado e ó museo etnográfico de Quiroga.
A programación concluirá o xoves con outras tres saídas, unha delas a dos participantes no Congreso Europeo de Mercados de Gando, que coñecerán o mazo de Santa Comba, gozarán dunha degustación de viños e dunha comida na bodega Regina Viarium, e visitarán Gundivós, o Mirador de Cadeiras e a cidade de Monforte de Lemos. As outras dúas excursións faranas 55 membros da Asociación de Amas de Casa O Urogallo de Becerreá, que se desprazarán a Mondoñedo, e outros 55 integrantes do colectivo Os Ferreiros de Santa Comba da capital lucense, que estarán en Guitiriz. O grupo de Becerreá coñecerá as instalacións da Fundación TIC para comer despois no restaurante mindoniense “O Padornelo” e recorrer a Ponte do Pasatempo, o barrio dos Muíños –cunha visita a un obradoiro de zocas-, o Museo Diocesano e a confitería Alianza. Polo que respecta ó colectivo de Lugo, achegarase ó CENTRAD, comerá no balneario de Guitiriz e visitará as súas dependencias, fará a ruta dos Sete Muíños e para rematar coñecerá a igrexa e o reloxo analemático da vila chairega e asistirá a unha demostración de como se elabora a torta de millo na pastelería “La Esquina”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
