Nota de prensa:
O CONCELLO PARTICIPARÁ NA XXXVI EDICIÓN DA FEIRA DE MOSTRAS DE ARÉVALO QUE DA COMEZO MAÑÁ.
Burela, 27 de abril de 2011. Burela estará presente na XXXVI edición da Feira de Mostras de Arévalo 2011 que terá lugar do 28 de abril ao 1 de maio.O concelleiro delegado de Turismo, José González Legazpi, asegura que “nesta feira atópanse representados os sectores institucionais, turísticos, artesanais e agroalimentarios e compleméntase tamén coa presenza dos bodegueiros de viños e licores e mesmo cun espazo adicado á maquinaria agrícola e automoción”.
O edil nacionalista engade que “conxuntamente celébrase tamén en Arévalo a feira de antigüidades que xa vai pola súa XXIV edición. Ésta ten coma característica principal a exposición de pezas de alta época dunha antigüidade mínima de 100 anos; en definitiva, un espazo amplo e plural onde Burela, dará a coñecer os seus atractivos turísticos, gastronómicos, a súa historia e demais, como en anos anteriores a través dun stand apropiado en espazo e distribución”.
O responsable de Turismo de Burela explica que “acudimos á feira de mostras de Arévalo, porque entendemos que na promoción e na divulgación atópase a consecución dos obxectivos turísticos, entre outras cousas, a potenciación radica en manterse naquelas feiras de interese. E a de Arévalo polo seu propio asentamento, diversidade e a súa cercanía con Madrid é interesante para a promoción de Burela coma destino vacacional, para divulgar a nosa gastronomía e todo o que ten interese no ámbito turístico e mesmo residencial”.
No que vai deste 2011 Burela estivo presente xa en Fitur en Madrid, en Expourense e recentemente no Salón Internacional de Barcelona a través de Turgalicia e agora en Arévalo en Ávila. E nos vindeiros meses acudirá a Ferrol, a Vigo, a Valladolid, a Bilbao e a Xixón, “para seguir valorizando o noso interese turístico e gastronómico, no senso de afianzar e posibilitar cotas de crecemento para Burela dentro do ámbito turístico e por tanto de potenciación xeral para a economía do Concello”.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
