Nota de prensa
O programa Km0 ofrece esta semana 8 rutas por Sober, Negueira, O Courel, Ribadeo, Viveiro e Burela
– Preto de 500 persoas participan nas viaxes organizadas pola Deputación para difundir os recursos da provincia entre os propios lucenses e contribuír á dinamización da economía local
– Díaz Valiño recibiu este martes en San Marcos ó colectivo veciñal Os Seis Muíños de Santalla de Lamas, de Lugo, e á Asociación de Gaiteiros de Castro de Rei, que fixeron percorridos por A Montaña e a Ribeira Sacra, respectivamente
A Deputación de Lugo organiza ó longo desta primeira semana do mes de maio 8 rutas pola provincia no marco do programa Km0, que ten como obxectivo difundir os recursos da provincia entre os propios lucenses e contribuír á dinamización da economía local. Os destinos das viaxes son Sober, Negueira de Muñiz, O Courel, Ribadeo, Viveiro e Burela, e nelas participarán preto de 500 persoas.
As primeiras saídas tiveron lugar onte pola Ribeira Sacra e A Mariña. Un grupo de 48 usuarios da residencia lucense de San Roque coñeceu a olería de Bonxe para desprazarse seguidamente a Sober, onde comeu no restaurante “Parada Dos” e visitou o Mirador do Duque, a zona de Cadeiras e a bodega Proencia. Por outra banda, 110 usuarios dos Servizos Sociais do Concello de Sarria, tras achegarse ó Centro de Interpretación Terras do Miño, viaxaron a Ribadeo, onde comeron no restaurante “Marinero”, fixeron unha travesía en barco pola ría e deron un paseo polo casco histórico.
Na xornada de hoxe houbo outras dúas rutas por A Montaña e a Zona Sur, demandadas polo colectivo veciñal Os Seis Muíños de Santalla de Lamas, en Lugo, e pola Asociación de Gaiteiros de Castro de Rei, respectivamente. Ambos grupos foron recibidos no salón de actos do Pazo de San Marcos polo Deputado da Rede Viaria Provincial, Juan José Díaz Valiño. Os veciños de Santalla de Lamas estiveron despois no Mazo de Santa Comba, no embalse e na área recreativa de Salime, en Negueira de Muñiz, e no Museo Comarcal da Fonsagrada. A comida celebrouse no restaurante fonsagradino “Cantábrico”. En canto ó colectivo de Castro de Rei, visitou o Centro de Artesanía e Deseño (CENTRAD) da Deputación, comeu na adega Algueira de Sober e, pola tarde, deu un paseo hasta Pena do Castelo e por Cadeiras, e coñeceu a olería de Gundivós.
A programación continúa mañá mércores cunha viaxe ó Courel, demandada pola Asociación de Viúvas de Santa María do Campo de Ribadeo, e outra ó municipio ribadense, que solicitou a agrupación cultural e veciñal de Santiago de Cicillón de Taboada. A primeira delas consistirá en visitas ó CENTRAD, ós castros de Vilar e da Torre, e a Seceda. A comida terá lugar na casa de turismo rural “Ferreiro”, en Folgoso do Courel. O segundo percorrido da xornada comezará no Centro de Interpretación Terras do Miño para continuar cunha comida no restaurante “As Catedrais” de Ribadeo e con paseos polas praias das Catedrais e Os Castros, as antigas cetáreas de Rinlo e o aeródromo de Vilaframil.
Para o xoves está previsto que un grupo da asociación veciñal Terras de San Vicente do Páramo redescubra Viveiro e outro de veciños do Concello de Portomarín se achegue a Burela. A ruta polo municipio viveirense comezará tras unha visita á Fundación TIC, dependente da Deputación. Despois, haberá unha comida no restaurante “Louzao” e un percorrido pola lonxa de Celeiro, a praia de Covas e o Monte San Roque. En canto ó grupo de Portomarín, coñecerá a olería de Bonxe e, xa en Burela, comerá no restaurante “Palacio de Cristal” e achegarase ó porto, onde verá a lonxa, o barco museo Reina del Carmen e a actividade das redeiras.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
