Nota de prensa
A posta en marcha do centro residencial de día en Foz permitira crear un mínimo de 100 empregos.
Basanta afirma que só o BNG explica como vai crear emprego.
O Bloque Nacionalista Galego adiantou que a creación de emprego e o eixe central da súa proposta programática e o elemento transversal a súa proposta para os vindeiros comicios, no convencemento de que só nesta variábel é posíbel favorecer o desenvolvemento local e por conseguinte garantir unha mellora na calidade de vida.
“Igual que nos non apoiamos os planos de axuste do goberno e da xunta que ao único que contribuíron foi a xerar máis desemprego, nin tampouco avalamos unha reforma laboral que acentuou aínda máis esa tendencia e precarizou as condicións de vida das persoas, diminuíndo polo tanto o seu poder adquisitivo” afirmou Basanta “tampouco podemos dar por bo o modelo do Concello de Foz que se limita a crear emprego en precario e temporal”. “E máis sabemos e pensamos que os Concellos deben xogar un papel central na posta en marcha en políticas activas de emprego” recalcou o candidato nacionalista.
Xoán Carlos Basanta felicitouse de que “todas as forzas políticas na súa proposta programática falan de crear emprego, algunhas mesmamente lle poñen cifra a esta cuestión, pero ningunha delas agás o BNG lle di aos veciños de Foz como e onde pretenden crealo. Neste sentido cando demandamos a creación dun centro residencial de día para 150 residentes, non só estamos poñendo unha solución para os maiores do noso Concello senón que estamos tamén falando de crear arredor de 100 empregos directos. Non estamos inventando nada extraordinario con esta proposta, a economía do benestar é un eixo para crear emprego nas sociedades modernas, abonda con ir a Viveiro para observar o importante número de empregos que creou a posta en funcionamento da Residencia da Terceira Idade. Xa que logo no caso de que a Xunta de Galiza persista na súa negativa a dotar a Foz desta infraestructura, defendemos que o Concello a acometa con fundos propios. No mesmo sentido solicitamos a ampliación de prazas na Escola Infantil do Bahía, porque hai demanda de nenos, é porque isto tamén significará a creación de emprego. Na mesma liña pensamos que se deben reforzar os servicios de axuda a domicilio, tendendo a súa universalización,recuperando o seu caracter público suprimindo a exclusión da mesma por razóns de renda o que permitiría crear arredor de outros 30 empregos tamén vinculados a economía do benestar”.
Os nacionalistas afirmaron que “o emprego é unha cousa o suficientemente seria para que non se xogue con ela electoralmente. Neste sentido cando o PP se nega a que Foz conte cunha residencia non só está deixando na estacada a un número importante de maiores do noso Concello senón que se está opoñendo a creación de 100 empregos. Mesmamente non é de recibo que o Concello de Foz que gastou entre 2007 e 2010 4.969.402.93 Euros de remanente de tesourería, diñeiro que tiña en caixa, sen explicar en que ou polo menos sen notarse, non procedese a executar con fondos propios esta infraestructura. Vaia como exemplo que a residencia de Viveiro custou arredor de 2,2 millóns de Euros, só coa metade que despilfarrou o Grupo de Goberno dirixido por Rivera e por Cancio contaríamos con esta dotación e cos postos de traballo que están vinculados á mesma. Aqueles que nos Gobernaron durante tantos anos e que non foron capaces xa non de crear emprego senón de sacar adiante o Plano de Emprego tantas veces prometido , carecen de lexitimidade para facer propostas neste eido”.
Xa por último Basanta quen afirmou que “nos atopamos nunha situación de emerxencia en materia de emprego, cun panorama chamado a empeorar, onde a iniciativa privada vai ser incapaz en anos de crear traballo polo que son necesarias políticas activas por parte do sector público”, lembrou tamén a proposta dos nacionalistas da Mariña” da creación dun Instituto de Crédito Comarcal que forneza liquidez a autónomos e pemes basicamente para tesourería. Agora ben se os asalariado seguen a perder poder adquisitivo o consumo non lle queda outra que seguir caendo e iso tornase letal para os comercios e negocios do Concello”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
